(AP)—Union Europeo (EU) a bisa dialuna cu e ta preparando “contramedidanan” contra Merca despues di e tarifanan di importacion sorprende di e administracion di Trump riba hero a sacudi mercadonan global y a complica e negociacionnan andante riba tarifa entre Bruselas y Washington.
Siman pasa, prome cu e anuncio sorprendente di diabierna, presidente di Comision di EU Ursula von der Leyen y presidente Mericano Donald Trump a acorda na “discusionnan acelera” riba un acuerdo. “Den e evento si nos negociacion no resulta den un resultado balansa, EU ta prepara pa impone contramedidanan, incluyendo den respuesta na e aumento di tarifa recien,” segun vocero di Comision Europeo Olof Gill a conta durante un conferencia di prensa na Bruselas.
El a bisa cu EU ta finalisando un lista expandi di contramedidanan cu lo automaticamente tuma efecto dia 14 di juli of mas trempan. Esey ta e fecha unda un pausa di 90 dia, cu intencion pa negociacionnan, ta caba den tarifanan anuncia pa e dos poder economico riba otro. Casi mita caminda den e periodo ey, Trump a anuncia un tarifa di 50% riba importacion di hero.
E regreso di Trump na e Cas Blanco a bin cu un ola di tarifanan, unda a mira menasanan di impuesto agrega y, frecuentemente, kita. Oficialnan halto na e comision ehecutivo di EU ta bisa cu nan ta pushando duro pa un acuerdo di comercio pa asina scapa un tarifa di 50% riba productonan importa.
Negociacionnan lo continua diaranson na Paris den un reunion entre e negociador di comercio mas halto di EU, Maroš Šefčovič, y su equivalente, representante di Comercio Mericano Jamieson Greer.
EU por cumpra mas gas natural likido y material di defensa for di Merca, y baha impuesto riba autonan, pero no ta probable cu e lo concede na yamadonan pa kita e balor di impuesto agrega—cual ta similar na un impuesto di benta—of haci e mercado di carni Mericano habri pa EU.
EU a ofrece Merca un resultado “cero pa cero” den cual lo kita tarifanan riba ambos banda pa productonan industrial incluyendo auto. Trump a descarta esey, pero oficialnan di EU a bisa cu esaki ainda ta riba mesa.
E anuncio diabierna di un impuesto di 50% riba importacionnan di hero a crea miedo cu compranan grandi, incluyendo autonan pa wasmashin y cas, por mira un aumento den prijs. Pero e metalnan ey tambe ta asina ubico den pakete cu ta probable cu esaki lo tin un efecto grandi pa productonan.
