Polis na Sint Maarten a confirma ayera mainta, cu a detene Alanso Hassel, ex manager di operacion di InselAir na St. Maarten.
Tabata buscando sr. Hassel relaciona cu estafa di fondonan di e compania di aviacion. Hassel tabata e manager di e oficina di ticket cu ta situa den e edificio di Yogesh. E suma cu a wordo estafa ta calcula riba mas o menos 170 mil dollar y esaki a wordo descubri na augustus 2016. En conexion cu e investigacion aki, tambe a detene un otro persona S.B.B cu tabata un sales agent di InselAir. E compania mes a pone un denuncia riba e dos persona aki na 2016 pa fraude y estafa. Sr. Hassel a logra sali for di e isla y a biaha pa Republica Dominicano . Sinembargo na momento cu el a regresa, nan a detene, segun un vocero di polis a confirma.
Na Corsou tambe tin dos inspector di aviacion suspendi pa motibo cu ta sospecha nan di haci negoshi cu piesanan di avion. No ta conoci con leu e caso aki ta. Tambe tin hopi rumor riba e hefe O. di e departamento di mantencion cu ya a tuma su retiro, cu e tambe tabata envolvi. Pero te awor husticia no a indica cu e persona aki ta bou investigacion y no tin un denuncia haci contra di dje.
