Despues di e estreno di e bioserie cu ta conta e historia di Menudo, e prome reaccionnan no a tarda, y e voznan cu ta considera cu ‘Subete a mi moto’ ta un ficcion sin ta cerca di realidad ta conta cu esun di Rene Farrait, ex-integrante di e banda, kende a mustra su desacuerdo cu e serie di Amazon Prime cu criticanan fuerte.

Den e proyecto por conoce e historia di e agrupacion Portoriqueño emblematico cu a surgi na 1977 y a alcansa exito mundial den decada di 1980, for di perspectiva di e manager y creador di e grupo, Edgardo Diaz, di ken entrevistanan duna durante añanan a sirbi e team di guionista pa elabora e argumento di e serie.

Den e serie tambe ta conta aspectonan scur rond di e grupo, manera e jornada laboral largo na cual tabata somete e muchanan, e presion pa no desaroya caracter sexual secundario y no ser expulsa di e grupo, y e acoso di prensa y fanaticonan, kende den varios ocasion a causa problema na e integridad di e integrantenan di Menudo.

Tambe ta mustra e paso den e agrupacion di varios integrante, kende tabata keda substitui na momento di cumpli 15 of 16 aña, y e scandalnan relaciona cu presuntamente manda un mensahe demasiado sexualisa na e audiencia, compuesto principalmente pa muhenan hoben.

Farrait no a mustra nada complaci cu e forma con a retrata e storia di Menudo. El a usa su rednan social pa pronuncia y mustra su rechaso na e material di Amazon Prime cu ta plasma e bida di e boyband na cual el a pertenece den su adolescencia.

E ex-Menudo a comparti un imagen unda por mira un screenshot di e trailer di e serie cu e siguiente texto: “Cantidad di m!erd@! Historia falso te e ultimo detaye, conta di banda di un persona enfermo y abusivo! Y henter mundo sa. E excepcion… tick tock.”

Hunto cu e mensahe fuerte aki, Farrait a skirbi cu pronto lo duna di conoce loke p’e ta e berdad tras di storia di Menudo: “Realmente mi ta haya gana di saca… Pronto lo sa e storia berdadero. Esaki cua caba di sali ayera den Amazon Prime Video ta un comedia hopi leu di realidad. Tick tock tick tock tick tock… Menudo Family. Subete a mi moto. E storia verdadero ta na caminda. Y no hustamente ta mas lo bon cu lo malo. Cinico, enfermo, abusador, yiu di p*ta”, e cantante a skirbi, mencionando den e mensahe e productor di e proyecto y su filialnan, y un par di club di fanatico di e boyband.

Den e serie ta conta con e banda a ser forma y ta aparece e personahe di Rene Farrait, ken, a diferencia di tur otro integrante, no a cambia ni modifica su nomber real.
Den e trama por mira Rene como adolescente talentoso, pero un tanto soberbio, sin disciplina y rebelde; incluso den cierto escena ta atribui un precocidad mas notabel cu e resto di su compañeronan, loke por a desata e rabia di e cantante.

Di su banda, e opinion di e fanaticonan riba rednan social tocante e serie a mustra dividi, pues algun tampoco ta mir’e cu bon wowo, mientras otronan ta aplaudi cu e ta basa riba hechonan real. Otro ex-integrantenan di e grupo no a expresa nan opinion tocante e serie despues di e estreno di e produccion, graba na distinto pais y cu a yega e plataforma weekend ultimo.

LEAVE A REPLY

Please enter your comment!
Please enter your name here