(AFP) – E rapper Offset di e ex grupo di rapper, Migos, ta den hospital despues di keda herida di un tiro cerca di casino na Florida, segun reportahenan den media ta informa.
Un vocero pa e musico di 34 aña a bisa outlet di noticia di celebridad TMZ cu e ta “Stabil” y cu monitor di cerca na un hospital di Hollywood, Florida.
Seminole Police Department su vocero a bisa cu un sospechoso ta acusa den relacion cu e incidente fin di dialuna y un investigacion ta andando.
Offset ta miho conoci como miembro di Migos, un trio di rap basa na Atlanta cu a explota riba escenario nacional pero a stop di duna presentacion den 2022, ora cu miembro die banda Takeoff a ricibi tiro fatal na Houston, Texas, cu 28 aña di edad.
Migos a haya su popularidad cu nan cantica viral den 2013 “Versace”, cual Drake a remix y despues a graba “Walk It Talk It” cu e super strea Canades.
Nan cantica den 2016 “Bad and Boujee” tabata un hit number 1.
Offset, ken su nomber real ta Kiari Kendrell Cephus, tabata casa cu rapper Cardi B y e pareha, en a separa den 2024, tin 3 yiu hunto.
E tabata cu sonrisa na su cara y interactuando cu fanaticonan na e casino na Florida momentonan prome cu a tir’e, TMZ a informa.
Potretnan di TMZ
