(NLTimes) – Un consorcio lidera pa instituto di investigacion TNO a cuminsa experimenta cu sistemanan di energia solar flexible riba awa. E sistema ta consisti di panelnan solar flexible monta riba plataformanan flotante flexible.

Durante e siman aki a instala e proyecto den e Green Economy Westvoorne Field Lab na Oostvoornse Meer, cerca di Maasvlakte. E piloto ta bay core te berano di 2022.

E consorcio a desaroya e material flexible. Pa motibo di e aplicacion aki, e plataforma flotante y e panelnan solar ta dobla cu e olanan. Nan ta ofrece menos resistencia, pues e plataformanan flotante y e anker por wordo traha mas liviano y pa e motibo aki mas barata cu plataformanan flotante rigido.

E investigadornan ta bay examina, entre otro, e produccion di energia di e panelnan solar, e comportamento di e plataformanan flotante durante olanan halto y biento fuerte, e crecemento di material organico, y viabilidad economico.

Despues di completa e proyecto aki, e proximo stap ta pa construi y instala un sistema den Lama Nort. E consorcio tin meta pa construi un sistema comercial pa alrededor di 2024 y por keda construi y conecta na un di e wind farms nobo den Lama Nort.

LEAVE A REPLY

Please enter your comment!
Please enter your name here