Si bo bay aproximadamente 17 kilometer zuidoost for di Oranjestad, bo lo drenta e ciudad di San Nicolas, tambe conoci como Sunrise City of Chocolate city.

Un ciudad cu ta rico den cultura autentico y e caracteristica di e isla. San Nicolas ta Aruba su di dos ciudad mas grandi y antes tabata un pueblo di compania domina pa e industria di petroleo desde comienso di añanan 1930.

Durante e curso di 4 decada, su demografia a cambia inmensamente a causa di un fluho di trahadonan Afro-Caribense y Sur Americano cu a bay yena e cuponan di trabao den e refineria entre añanan 1920 te cu 1960. Te dia di awe, rasgonan di e influencianan multicultural den platonan y custumbernan, vivienda y poblacion ta claramente visible na San Nicolas – mas cu cualkier otro parti riba e isla.

Fluho di historia

Si bo ta buscando historia, San Nicolas tine. Aki bo lo haya 3 museo grandioso, Museo di Industria, Community Museum y Carnival Euphoria, tur den un distancia relativamente chikito for di otro.

E museo di industria ta den e toren di awa na San Nicolas y ta conta Aruba su historia industrial cu a cuminsa den e siglo 19. Aki bo ta siña di oro, aloe, fosfaat, petroleo y e industrianan di turismo cu a haci San Nicolas un centro di negoshi. Tambe nos ta haya e oportunidad di reconecta cu e storia di esnan cu ta forma parti di e historia aki.

Nicolaas Store, cual tabata construi den 1940 y a keda renova den 2014 ta e cas di Community Museum. E coleccion aki ta remarcable y ta cubri milennia. Fossielnan anciano ta banda di varios tableau cu un cushina y camber colonial recrea autenticamente y un barbershop di siglo 19, entre e varios otro cosnan di Aruba su historia cu a keda preserva. Un coleccion di artefacto y otro obhetonan di importancia cientifico, artistico y historico por ser haya tambe cu e proposito di educacion y/of entretenimento.

Carnival Euphoria ta unda por mira Aruba su carnaval y entre otro con e carnaval di Aruba a desaroya durante añanan.

E San Nicolas nobo

Den e sombra cu e refineria a laga atras, un capital di arte ta creciendo poco poco. Esaki ta e San Nicolas nobo, un luga cu ta birando un magneto pa tur loke ta hoben, master y na moda na Aruba. Berdaderamente, San Nicolas tin tur e ingredientenan di un punto cultural creciente cu un historia varia, un arkitectura interesante y posiblemente lo mas importante, un structura urbano cu ta haci facil pa simplemente cana door di e varios cayanan cu ta contecta na otro. Mientras bo ta cana rond, e cayanan por ta keto pero e murayanan cu bo enkontra na caminda ta bisa hopi, cu arte briyante y colorido pinta pa un coleccion di artista for di rond di mundo.

Danki na e esfuerso di varios organisacion di arte na Aruba, San Nicolas a ricibi un tipo di ‘makeover’ artistico pa loke ta trata arte vibrante riba caya. Sinembargo, conhuntamente cu esaki tin arte cu e comunidad local di San Nicolas a crea y cu ta conta e storia di e sernan cu un biaha a duna bida na e ciudad aki.

Cada aña mas y mas arte ta reemplasa edificionan bandoan of kibra cu obranan colorido cu ta keda duna mas briyo na nos “Sunrise City” stima.

Parti di e bunitesa den San Nicolas ta den e hecho cu bo por haya tur cos den e caya principal. Tiendanan cu ta bende sapato, paña, joyas, cafe of restaurantnan cu ta trece un pida di e historia na bo mesa of arte y stoelnan di mosaico cu ta yena nos dia di alegra y ta comparti e historia cu San Nicolas tin di ofrece.