(AFP) – Fabricante clave di Merca su pildo di aborto mas ampliamente usa a pidi Corte Supremo diasabra pa restaura acceso na e medicamento, un dia despues cu corte di nivel mas abao a para entrega di e medicamento via post.
Mifepristone, cual ta preveni e progreso di embaraso, ta usa banda di misoprostol, cual ta limpia e utero, den mayoria di morto na Merca. E ta aproba pa uso te hasta 10 siman den e embaraso.
Danco Laboratories, cual ta fabrica mifeprestone y ta un di e compania cu ta distribui e medicamento na Merca, a pidi corte top pa para un decision di Fifth Circuit Court of Appeals cu temporariamente a blokia proveedorna di aborto di receta y manda e medicamento den e nacion.
E corte a ordena tambe pa hende muhe buscando aborto den cualkier parti na Merca mester obtene mifepristone na un clinica, na luga di via post of via un botica.
E deciion aki, ta “inyecta confusion inmediato y caos den decisionnan medico cu limite di tempo,” e fabricante a skirbi den su documentonan entrega na Corte Supremo. “E caos pa pashentnan, proveedornan, boticanan y e sistema regulatorio di medicamento ta causa daño cu no por repara cu ta subraya e necesidad pa alivio di emergencia for di e corte aki.”
Mifepristone a keda aproba desde aña 2000 y tambe ta rutinario usa pa maneha perdida di embaraso trempan.
Activistanan anti-aborto, sinembargo, a pone e medicamento su seguridad den duda. Cu algun citando un estudio conduci pa un think tank conservativo cu nunca a pasa den aprobacion formal.
Den 2024, Corte Supremo a rechasa un intento di restringi e medicamento, diciendo cu gruponan anti-aborto y dokternan haciendo yamado pa mas limite tabatin falta di posicion legal pa trece na e caso.
Desde un decision di Corte Supremo den 2022 cu a para un derecho nacional na aborto, alrededor di 20 estado a prohibi of restringi esaki.
Encuesta ta demostra un mayoria di Mericano cu ta sostene acceso legal na aborto aunke activistanan a pusha pa limita of prohibi esaki completamente.
