Facebook, Google enfrentando audiencia tocante nacionalismo blanco

Ehecutivonan di Google y Facebook a enfrenta congreso ayera pa responde preguntanan tocante nan rol den e distribucion di crimennan di odio y e crecemento di nacionalismo blanco na Merca.

Neil Potts, director di politica publico di Facebook, y Alexandria Walden, consehero pa expresion liber y derechonan humano na Google, lo papia na e comite hudiciario di congreso hunto cu lidernan di e Liga Anti- Difamacion, e Equal Justice Society, y otronan.

E audiencia tabata motiva pa e tiramento na Christchurch, New Zealand luna pasa, ora cu un homber arma a mata 50 persona na dos moskee y a transmiti e atakenan en bibo riba Facebook.

E sospechoso tambe a publica un post largo online cu tabata expresa opinion nacionalista blanco.

Pero controversia tocante nacionalismo blanco y lenguahe di odio a evadi plataformanan cibernetico manera Facebook y YouTube pa añanan. E companianan pa hopi largo a promove e balor di libertad di expresion mientras tabata purba di evita actua como editor di contenido, pa despues haya nan mes forsa pa maneha un cantidad di abuso dirigi na su usuarionan. Na 2017, despues di e demostracionnan violento na Charlottesville, Virginia, gigantenan di tecnologia a cuminsa elimina gruponan extremista y individuonan expresando opinion di supremacia blanco y sosten pa violencia.

Na maart, Facebook a extende su prohibicion riba lenguahe di odio pa inclui nacionalistanan blanco ademas di unicamente supremacistanan blanco – un distincion cu gruponan defensor di derechonan civil pa hopi largo a considera irelevante.

A pesar di e prohibicion, cuentanan manera un cu e nomber ‘Orguyo Ario’ (Aryan Pride) ainda tabata visibel dialuna anochi. E auto- descripcion di e cuenta tabata bisa, entre otro, ‘SI BO NO TA BLANCO haci amistad cu bo mesun hende pasobra mi no ta bo amigo’.

Ademas, diaranson un subcomite di senado lo tene un audiencia titula ‘Stifling Free Speech: Technological Censorship and the Public Discourse’. E audiencia aki lo trata e tema di prehuicio percibi contra conservadonan na man di companianan tecnologico manera Facebook, Google, y Twitter.

E companianan a nenga e sorto di prehuicio aki. Mientras figuranan politico, desde presidente Donald Trump te abou ta continua cu e acusacion, ningun te awo por a presenta evidencia di un prehuicio anti- conservador of di cualkier otro indole politico.

 

You May Also Like

Presidente Dominicano a hustifica acuerdo cu Odebrecht

Dialuna Presidente Dominicano Danilo Medina a defende dilanti congreso di Republica Dominicana, cu e proceso ...

Aruba ta #1 den lista di beachnan pa evita

Pagina popular di turismo Oyster.com a publica un articulo riba siete beach cu bo ...

1031092741.jpg

600 Polis extra riba cayanan di London

London ta actualmente implementando e presencia di mas oficialnan arma despues di e atakenan  di terorismo ...

ead641fc9fe34e2b830f6a706700c7e1.jpg

Refugiadonan tumando Europa over pa cuminsa un bida nobo

Manera cu nos tur por a tuma nota ultimo tempo nan tin hopi noticia ...

151014072742-restricted-kim-kardashian-file-super-169.jpg

10$ Miyon den balor: Kim Kardashian West a wordo atraca na Paris

Kim Kardashian West a bandona Francia despues di a wordo atraca cu arma na su ...

Vice Presidente di Colombia: Cas gratis no ta pa Venezolano

Vice Presidente di Republica di Colombia Germán Vargas Lleras, a pone prome piedra pa ...