Famia Brokke: terapia na Aruba no ta adecua

Den un reaccion riba e declaracion di AZV cu nos a busca den e caso di Leoni Brokke, e famia a reacciona cu nan ta keda di opinion cu na Aruba a terapia lo no a yuda Leoni.  

Bon Dia Aruba a papia cu e mama Jislene Croeze y ruman Amber Brokke despues nos articulo cu a sali riba 22 di juli den nos corant. E famia ta keda para riba e punto cu no tabatin un otro opcion pa manda Leoni afo, esta pa Colombia. Si nan a sigui e conseho di AZV, e mester a keda den SABA unda e lo no a haya e terapia necesario. “ Of Leoni lo mester a keda cas riba cama.”

Un otro solucion tabata pa bay Curaçao pa haya e terapianan pero e famia ta bisa cu esaki tampoco a wordo duna como opcion y ainda no por compronde dicon. Segun nan locual cu mester wordo cubri ta un ora di terapia. Pero locual nan a haya pa Leoni tabata pa 10 minuut pa siman. Pa casonan severo manera esun di Leoni esaki no lo ta nada, segun nan. Terapianan cu Leoni ta ricibiendo na Colombia awor, ta varios, por ehempel : Hidroterapia, psichopedagogia, fonoaudiologia, gimnasia, electroterapia, mecanoterapia, terapia ocupacional y asina tin mas.

Aki famia di Leoni ta sinti cu sistema medico di Aruba no ta suficientemente ekipa y avansa pa por tuma casonan manera di Leoni. Y pa e rason aki mes un opcion pa bay afo y haya e terapianan aki of algun di nan for di AZV mester ta un opcion. Segun nan Leoni ta haci hopi progreso desde cu e ta na Colombia. Algo cu segun nan e no lo por a logra cu e tiki terapia cu a wordo ofreci aki na Aruba. Nan ta sinti cu di e manera cu e sistema akinan ta cu ta pone e placa prome cu pensa ariba di un posibel opcion pa cada pashent.

Mama Croeze ta conta cu ya Leoni no tin catheter mas y tampoco su traquestomia mas. Ya su risiconan di haya infeccion ta menos. “Leoni no por a papia prome y awor e por comunica y por papia cada biaha miho. E no ta cana su so ainda pero si cu ayudo di otro persona. Asina ki por mira cu terapianan ta esencial den casonan asina y cu si tin manera pa pashentnan recupera.”

AZV a declara cu nan a haci esfuerso pa busca un solucion. Nan a acerca dokter local cu tabata tratando e pashent pa haya un opinion. A resulta cu ora pashent tabata na Aruba no tabata tin un indicacion medico pa manda e pashent exterior pa motibo cu e cuido y tratamento por wordo duna na Aruba. E ley di AZV ta stipula cu tur cuido cu por wordo duna na Aruba, lo mester wordo duna na Aruba.

You May Also Like

min Hooyboer.JPG

Diferencia di 6 miyon euro cu compania di seguro anterior ta demanda un investigacion

Minister di Educacion Michelle Hooyboer-Winklaar ta descarta tur acusacion haci contra dje den e ...

Artesano lo mester stop di produci si situacion na kiosco no mehora

“Ami ainda ta keda cu esaki pasobra mi kier demostra cu bo por biba ...

Cubano na Aruba y fidel su morto 1.jpg

Fidel Castro su morto no ta nifica libertad di pueblo Cubano

Cantidad di comentario a produci e noticia di e fayecimento di e Tata di ...

Tuyo trahado special.jpg

Hendenan special ta un di e miho trahadonan cu tin

Durante 28 aña sr. Arturo “Tuyo” Werleman a traha como director di Fundacion Pa ...

Situacion di Noni Brokke ta mustra atrobe falta di seguro pa malesa cronico

Famia di Leoni Noni Brokke a haci un yamada atrobe pa donacion como cu ...

3424.jpg

I love My Body ta yega na mas cu 5000 hoben

Informacion di campaña di I love My Body di Famia Planea durante di temporada ...