(nbcboston) – Ex-coach di Boston Bruins, Bruce Cassidy ta hibando e Stanley Cup na Massachusetts proximo luna pa honra un amigo di su yiu muhe kende a fayece den un accidente na Aruba aña pasa.

Cassidy a gana e Stanley Cup di Liga Nacional di Hockey como coach di e Vegas Golden Knights, y ta usando su tempo cu e trofeo famoso pa yuda lansa e Fundacion Cassidy Murray, un nonprofit lanta pa famia di e mucha muhe di 13 aña di edad kende a fayece den un accidente di water tubing mientras e tabata di vakantie cu su famia na Aruba na maart di 2022.

Tocante e accidente, tata di Cassidy, Dave Murray a bisa cu nan dos a tuma e paseo cu Fun 4 Every 1 Watersports, pero cinco minuut den e excursion e mucha a cay den awa. Mientras e piloto di e barco lastrando e tube a bira rond pa bay busk’e, Dave ta bisa cu e piloto a perde control. “El a bay full throttle. Na e momento ey Cassidy tabata purbando di landa back pa por bolbe subi e tube. E barco a bin na velocidad completo y a dal e parti patras di su cabes. El a desaparece bao di e boto,” Dave a bisa di e accidente. OM e tempo aya a bisa cu no tabatin evidencia di ofensa criminal, y pues OM no a bay tras di e operadornan di e excursion.

“Cassidy Murray lo tabata cu nos famia celebrando e berano aki si bida no a tuma un twist asina cruel y terible. Nos no por pensa di un miho manera pa honra e mucha muhe bunita aki y e compromiso noble di su mayornan pa otronan cu pa bin Boston pa trece atencion na e fundacion den su nomber,” e coach a bisa den un declaracion.

E evento publico ta bay tuma lugar dia 13 di juli na Milton.

Cassidy Murray tabata amiga di yiu di Bruce Cassidy, Shannon, na Buckingham Brown y Nichols School, formando un union pa motibo di nan nomber en comun, entre otro cos. Despues di morto di Murray, e coach di Bruins a trece e famia Murray na TD Garden tempo cu ainda e tabata coach di Bruins, segun e fundacion.

Cassidy a purba hunga hockey pa prome biaha e winter prome cu su morto, segun cabesante di su scol a bisa den e declaracion anunciando su morto tragico.

E Fundacion Cassidy Murray ta bay yuda otro hende pasando den perdidanan tragico door di ofrece oportunidadnan educativo pa hende hoben y sosten di salud mental.