(AP) – Mas di 3 decena di prizonero Palestino a bolbe back cas na West Bank riba diabierna durante nan libertad for di prizonnan Israeli como parti di e alto al fuego entre Israel y Hamas.
E procesion di e prizoneronan libera, algun acusa di ofensanan menor y otronan acusa den atakenan, na un checkpoint pafo di Jerusalem a atrae cantidadnan di Palestinonan cu tabata aplaudi y grita pa duna nan bon bini. 15 mucha homber hoben, tur den uniform di prizon sushi y yen di agotacion tabata cana riba caya na man di nan tata cu lagrima den wowo. Algun di esunnan libera a ser brasa cu bandera di Palestina y otronan den banderanan berde di Hamas.
“Mi no tin palabra,” hoben di 17 aña Jamal Brahma, ken a caba di ser libera, a expresa na e reporteronan para pafo. E forsanan Israeli a aresta Jamal na su cas na e ciudad Palestino Jericho y a detene sin ningun acusacion ni huicio.
E libertad di e prizoneronan Israeli a bini oranan despues cu decenas di rehen, incluyendo 13 Israeli, a ser libera for di captividad na Gaza den e intercambio inicial di e rehennan Israeli y prizoneronan Palestino durante e alto al fuego di 4 dia cu a cuminsa diabierna. Aunke e atmosfera tabata festivo na Beitunia, tambe tabatin hopi hende cu tabata vigilante y preocupa.
E gobierno Israeli a ordena polis caba tur celebracion a causa di e libertad aki. Forsanan di siguridad Israeli na un punto a tira gas den e gruponan di hende causando cu nan mester a huy cu lagrima y grito di dolor. “E ehercito ta purbando di kita e momento aki for di nos pero nan no por,” Mays Foqaha a bisa mientras e tabata brasa su amistad di 18 aña cu a ser libera.
E detenidonan libera riba diabierna ta inclui 24 hende muhe, kendenan a ser sentencia a causa di intento di stacamento y otro atakenan contra forsanan Israeli. Otronan tabata acusa di a incita odio riba rednan social. Tambe tabatin 15 teenager masculino, mayoria di nan acusa di tira piedra y “sostene terorismo,” un acusacion cu un definicion sumamente amplio cu ta ilustra Israel su accion contra hobennan Palestino ken nan ta considera violento den e teritorio ocupa.
Pa famianan di ambos banda, e noticia di e intercambio a causa un combinacion di felicidad y angustia.
