Un homber encarcela cu ta bisa di a mata mas di 90 hende muhe rond di e pais, ta considera pa ta e serial killer mas mortal den historia di Merca segun FBI (Federal Bureau of Investigacion).

Samuel Little ta cera den prizon for di 2002. El a bisa investigadonan cu e ta responsabel pa 90 matamento rond di 1970 y 2005. FBI a anuncia cu e analisis di crimen federal ta bisa cu tur su confesionnan ta creibel, y oficialnan awo ta verificando 50 confesion.

Investigadonan tambe a provee informacion y detaye nobo di 5 caso na Florida, Arkansas, Kentucky, Nevada y Louisiana. Little, di 79 aña ta cumpliendo su sentencia pa bida na California. El a bisa cu el a choca 93 victima, casi tur di nan hende muhe. Algun di e curpa nunca a wordo haya.

FBI a provee mas di 30 pintura di e victimanan, cual tabata pinta pa Little mes den prizon. Nan ta fotografia espantoso y mayoria ta mustra hende muhe di color.

E agencia tambe a provee video tuma durante entrevista den prizon cu Little. El a describi con el a papia tocante un hende muhe cu el a choca na 1993 y con el a lor’e den un cadena y tir’e banda di caminda.

Den otro video, e ta splica di otro victima na New Orleans. “E tabata bunita, color bruin cla manera honing cu un bunita smile. Halto pa un muhe y cu bunita curpa”, Little a bisa.

Na 1982, nan a conoce den club y e hende muhe a bay cune den su auto. “E ta unico cu m’a mata hoga”, el a bisa. Investigadonan ainda ta armando e puzzel di e confesion di algun caso habri di decada pasa.

Little, mayoria di biaha tabata uza e nomber Samuel McDowell, el a crece cu su wela na Lorain, Ohio. E ta bisa cu e tabata un boxdo cu a biaha pa otro pais, unda tambe e tabata busca droga y hende muhe cu problema.

 

LEAVE A REPLY

Please enter your comment!
Please enter your name here