Feyenoord ta trece Cuco Martina bek na e Eredivisie. E ex- defensa di FC Twente y RKC Waalwijk ta wordo huur pa e resto di e temporada for di Everton.

Martina, di 29 aña di edad, ta ricibi caminsa cu #24 di Feyenoord, y aña pasa a wordo huur pa Everton na Stoke City, pero e no tabatin un luga basico eynan. Cerca Feyenoord, Martina ta spera di por mira un tiki accion. Martina ta hunga principalmente como defensa derecha, pero tambe por hunga central den defensa. Despues di diamars, ora cu a sali na cla cu Eric Botteghin, pa motibo di un problema cu su rudia, lo mester keda sin hunga pa tres luna, e bista a cay riba Martina.

“Awo cu Eric a cay afo, nos lo haya dificultad pa enfrenta cualkier contratiempo den defensa. Algo cu awo nos a logra cu Martina”, segun e director tecnico, Martin van Geel, a bisa diahuebs na e anuncio di e transferencia, algun ora prome cu e final di e periodo di transferencia. “Martina, kende den pasado ya caba tabata den nos radar, tin hopi experiencia y habilidad. Ademas, el conoce e club y e ciudad caba.”
Martina a debuta na 2008 na RBC Roosendaal den futbol profesional, y despues a bay pa RKC Waalkwijk y FC Twente. Den e club na Enschede, e Curasoleño tabata capitan.

E trainer di Southampton e tempo ey, Ronald Koeman, a hiba Martina na 2015 na e Premier League, y a traha hunto cune tambe na Everton. Ultimo temporada el a hunga 21 wega di competencia pa e ‘Toffees’, pero pa e aña aki, bou trainer Marco Silva, no por a haya tempo riba e campo.

Martina a bay pa e motiba aki na Stoke City, pero cerca e club di campeonato e no a logra haya un posicion vast. Martina ta e prome y unico adicion di Feyenoord e winter aki. Di otro banda, a Sali for di e club Renato Tapia y Mo El Hankouri, kende a wordo fia na Willem II y FC Groningen.