WILLEMSTAD- Recientemente hues mr. Sap bay di acuerdo cu e peticion di Gerrit Schotte y Cicely van der Dijs pa permiti e fiscal Italiano R. Pelicano pa duna declaracion den corte. E partidonan ta haya un periodo di 4 siman, te cu juni 2019, pa palabra e fecha riba cua ta regla pa scucha declaracion di Pelicano. Hues a ordena gobierno pa cubri gastonan di e caso aki.
Durante tratamento di e casonan di husticia local contra Schotte y su partner na varios ocasion e pareha a mustra riba envolvimento di abogado general van der Schans y a pidi corte pa laga e fiscal Italiano splica kico van der Schans a papia cu Pelicano. Segun e pareha esey lo por trece claridad den e acusacionnan contra Schotte y van der DIjs.
Corte ta mustra cu for di un principio cu e hues cu mester husga e peticion preliminar pa scucha un testigo no tin poder special. Den caso di Schotte y van der Dijs nan peticion nan a splica e importancia di e declaracion di Pelicano pa e investigacion rond di e caso pasobra nan ta convenci cu van der Schans no a actua corecto. Obviamente tin e intencion pa sigui pa un caso di daño di perhuicio den esfera civil.
Pelicano su declaracion lo ta den cuadro di e investigacion contra e pareha pa cua ambos a haya condena caba. Pero ta importante pa atende cu e declaracionnan incorecto di van der schans.
