Por a tuma nota cu e fechorianan riba caya a baha man basta despues cu Cuerpo Policial a introduci e team yama Flex. Ta un team cu ta consisti di por lo menos 5 polis. E flex team aki ta manera Faya Bo Haya riba caya, den 2016 a score haya hopi droga, arma blanco y arma di candela den nan controlnan. No ta solamente Playa nan ta controla pero Noord y tur caminda nan ta yega pa brinda asistencia. Manera e oficialnan mira grupo di persona riba caya nan ta baha controla tur persona wak kico por tin riba nan cu ta iregularidad.
Por a tuma nota cu loke ta area di Oranjestad basta caso di gruponan riba caya cu ta comete fechoria a baha man debi na flex team. Un team cu sigur por crece si Cuerpo Policial tin mas ekipo pa brinda, e.o Auto, debi cu auto ta skaars na basta accidente den 2016 ta spera cu den 2017 Cuerpo Policial por haya mas auto pa brinda e servicio manera semper na comunidad, y principalmente pa teamnan special pa tin auto specifico pa nan pa sigui cu e bon trabou door di raspa caya y gara esnan cu ta comete malo riba caya.
