(NLTimes) – Un forma nobo do extorcion sexual a yega Hulanda – ‘sextorcion’ criminal. Di mesun manera cu sextorcion “clasico”, ta blackmail e victimanan cu imagennan explicito di nan mes, sinembargo na luga di pidi placa, nan ta obliga e victimanan comete un crimen, e podcast di PowNed Het Misdaadbureau a reporta.
Te cu awo, e hotline di sosten Helpwanted a ricibi 7 reportahe di sextorcion criminal e aña aki. Sinembargo e hotline aki ta anticipa cu e cantidad real ta hopi mas halto cu esey. E victimanan ta experiencia berguensa y panico inmenso, cual tambe ta comun cu otro formanan di extorcion sexual y crimennan sexual. Ademas di esaki, e victimanan di extorcion sexual criminal tambe a comete un crimen nan mes.
“Pues e disposicion di reporta, ta, claramente hopi mas abao,” Rivka Otten di Helpwanted a bisa e podcast. “Esey ta increiblemente dificil, y esey, claramente, ta loke ta haci extorcion sexual asina increiblemente efectivo.”
Helpwanted a ser alerta tocante e forma nobo aki di extorcion sexual di hotline den exterior y a cuminsa tene un record separa di e cantidad di reportahe. Segun Otten, e victimanan ta reporta cu ta obliga nan traha como mula di placa, busca cargamento di droga for di container y te hasta pone explosivonan.
E hotline su conseho pa personanan cu cay victima na esaki ta di kibra tur contacto cu e persona. “Na final, tin un chens cu e potretnan aki lo leak, pero e chens ey ta hopi chikito pa motibo cu eora e sospechoso ta perde e poder cu e tin riba di bo,” Otten a splica.
