oduber, herde
Rene Herdé (AVP)

Fei St. Maarten caminda lider di fraccion di AVP, sr. Rene Herdé ta presidi e comision parlamentario di Aruba, den cuadro di reunion inter parlamentario di Reino Hulandes (IPKO), a declara cu e decision di minister Otmar Oduber di condiciona su retiro si no bin cambio den cierto puntonan di maneho di gobierno, tabata un sorpresa pa nan fraccion.

Parlamentario Rene Herdé a declara na Bon Dia Aruba, cu nan sa cu tin temanan importante cu nan tin cu discuti. Sinembargo e ta di acuerdo cu e lider partido di AVP, cu ta na su luga pa e mandatario papia cu e minister concerni, prome cu nan bay duna otro declaracion.

“No ta corecto pa ami bay duna declaracion aworaki, mientras cu nos tin palabra cu e minister presidente ta bay papia cu e minister concerni na corto plaso”, el a relata na Bon Dia Aruba.

Lider di fraccion di AVP a prefera di abstene di duna comentario aworaki pa e por keda den e mesun liña cu minister presidente y lider di partido AVP. 

LEAVE A REPLY

Please enter your comment!
Please enter your name here