(AFP) – Francia, Alemania y Polonia diaranson a haci un yamado pa e firma rapido di un acuerdo di comercio liber entre Union Europeo (EU) y India, yamando e un “stap decisivo” den relacion, minister di Exterior Frances a bisa.
“Un acuerdo mayor entre EU y India ta spera di keda finalisa den proximo simannan, cu un cumbre dedida na dje pa fin di januari,” Jean-Noel Barrot a bisa na un sesion informativo banda di su contrapartinan Aleman, Polaco y Indio.
E ta marca “un stap decisivo den e acercamento strategico entre nos dos region,” el a agrega.
India y EU ta bin negociando e acuerdo pa hopi tempo. Un cumbre ta programa pa dia 27 di januari.
“Ta hopi importante pa nos firma rapidamente un acuerdo di comercio liber entre Union Europeo y India,” segun minister di Exterior Polaco, Radoslaw Sikorski.
Su contraparti Aleman, Johann Wadephul a bisa cu ta “un stap importante den direccion di mayor diversificacion,” agregando cu un partnership di seguridad y defensa tambe “ta riba e bon caminda.”
El a insisti riba e necesidad pa “reduci dependencia pa no haci nos mes vulnerable pa extorsion.”
E dos banda tabata spera di finalisa un acuerdo pa fin di 2025, na un momento di tension comercial global entre podernan mayor.
EU ya ta e partner comercial mas grandi di India, contando pa 124 biyon euro di comercio di producto na 2023 – mas cu 12 porciento di comercio total di India, segun Bruselas.
E bloc ta pushando pa un acuerdo comercial cu ta reduci barera di entrada pa su auto, betro y biña, mientras cu New Delhi kier acceso mas facil pa su textil y farmaceutico.
E acuerdo tambe lo cubri seguridad.
“Mi ta kere cu nos por trece mayor stabilidad den tanto economia internacional como politica global,” segun minister di Exterior Indio, Subrahmanyam Jaishankar, agregando cu ta “necesario pa India reforsa su relacion” cu Europa.
