Francia: Di 14 fin di siman consecutivo di violencia

Francia a experimenta otro fin di siman di violencia di protesta di e asina yama “jacketnan geel”, e di diescuatro consecutivo, den cual tabata teme cu a pesar cu e mobilisacion a bira menos, cu e violencia di e enfrentamento cu polis lo no mengua.

Rond di merdia e prome enfrentamento cu polis a cuminsa, cu a uza gas lagrimogeno pa core cu e manifestantenan.

Diadomingo pasa a cumpli tres luna cu e movimento a cuminsa cu nan accionnan riba caya, cu exigencia pa loke ta recuperacion di poder di compra y di denuncia di e politica di presidente Macron. Den e accionnan di diasabra y diadomingo tabatin como 20 diferente ciudad envolvi.

Na Paris a lansa varios convocatorio pa “insureccion” y pa blokia Place de l’Etoile, unda e Arc de Triophe ta situa, na final di Champs Elysee.

Segun cifra di ministerio di Interior, e protestanan den ultimo simannan no solamente ta leu di e cerca di 290.000 persona cu a reuni den e prome edicion dia 17 di november na henter e pais, sino cu nan a sigui perde forsa den cantidad di hende reuni.

Di acuerdo cu e ministerio di Interior, dia 9 di februari a sali riba caya como 51.400 manifestante, compara cu 84.000 dia 12 di januari. No obstante, e “jacketnan geel” ta rechasa e datonan ey y ta afirma cu diasabra pasa nan a reuni 118.200 manifestante na e protestanan.

E instituto Elabe a haci un sondeo publica siman pasa diaranson, unda ta señala cu pa prome biaha tin un mayoria (56%) cu ta desea pa e movimento termina. Pa 64 % di e encuestadonan, e manifestacionnan a aleha nan mes di e exigencianan popular inicial.

 

You May Also Like

India cu represalia despues di atake mortal di Cachemira

PAKISTAN – Un atake di avion prome cu solo sali den e ciudad di ...

Evo Morales: Chile ta invadi Bolivia, Peru y Argentina permanentemente

Presidente di Bolivia, Evo Morales a bisa cu henter mundo sa cu Chile a invadi ...

italia.jpg

Enfermera Italiano a wordo acusa di mata 13 pashent

Polis Italiano a bisa Diahuebs cu nan a aresta un enfermera riba sospecha di ...

Administracion di Obama a viola ley cu contract di lease pa azeta y gas

WASHINGTON — Administracion di Obama a viola ley federal, door di faya pa tuma den ...

Un respuesta aplastante pa atake suicida di Cachemira

INDIA – E prome minister di India a adverti ayera, den un contesta aplastante ...