(AFP) – Francia a cuminsa tuma accion dialuna pa blokia acceso di embahador di Merca, Charles Kushner, na ministernan di gobierno, despues cu e no a presenta pa splica comentarionan tocante un activista derechista cu a asesina.
Minister di Exterior Jean-Noel Barrot a convoca Kushner despues cu e embahada na Mericano na Paris diadomingo a publica comentarionan di e administracion di Trump na Washington tocante Quentin Deranque.
Deranque, di 23 aña, a fayece a causa di heridanan na su cas despues di encuentro entre iskierdista radical y sostenedornan ultra derechista banda di un manifestacion dia 12 di februari contra un politico di LFI na Lyon.
Riba diadomingo, Barrot a denuncia cualkier intento di explota e asesinato “cu intencionnan politico” y a convoca Kushner pa un reunion 7or den ora local dialuna.
Un fuente diplomatico a conta AFP cu e embahador, ken su yiu homber ta casa cu President Donald Trump su yiu muhe, a manda un oficial di e embahada na su luga, citando compromisonan personal. “Den bista aparentemente no a compronde e rekisitonan basico di e mision di e embahador y e honor den representa bo pais, e minister (Barrot) a pidi pa (Kushner) no tin acceso directo cu e miembronan di gobierno Frances,” e ministerio a informa.
Kushner, sinembargo, si l ota permiti sigui cu su responsabilidad diplomatico y tin “comunicacion” cu oficialnan, el a a agrega den su declaracion.
E administracion Mericano a denuncia violencia ultra iskierdista y a haci yamado pa esnan responsable para responsable dilanti husticia. Italia su prome minister Giorgia Meloni, tambe a duna comentario, causando un guera di palabra cu presidente Frances Emmanuel Macron, ken a urgi su persona pa stop di “duna comentario tocante loke ta sucede den otro paisnan.”
Kushner, ken a tuma su posicion na Paris di aña pasa, ya caba a ricibi un convocacion na e ministerio di Exterior den fin di augustus, despues cu gobierno Frances a tuma excepcion na su critica cu Macron no tabata tumando accion contra antisemitismo.
