(AFP) – Legisladornan Frances diahuebs a aproba di manera unanime un proposicion cu ta exonera muhernan castiga pa aborto prome cu a legalisa esaki den 1975, un decision cu gruponan feminista ta elogia como para pa derechonan di reproduccion.
Un voto unanime den parti di Parlamento, Asamblea Nacional, a finalisa e adopcion di un proposicion cu a keda acepta pa Senado den maart y cu sosten di gobierno.
E texto ta reconoce e aplicacion di leynan anterior “criminalisando e uso di, practica di, acceso na y informacion tocante aborto” ta constitui “un violacion di e proteccion di hende muher su salud, di autonomia sexual y reproductivo,” ademas di “derechonan di hende muher.”
E leynan prome cu 1975 tabata causa “varios morto” a causa di “sufrimento moral y fisico,” e ta agrega.
Esaki ta “un acto di husticia pa e miles di bida destrui pa leynan inhusto,” Aurore Berge, e minister pa igualdad di genero, durante un speech den cual el a papia tocante un aborto cu su mama a tin.
“Nos tin un responsabilidad di tuma responsabilidad, pero nos tin un responsabilidad grandi riba tur cos di bati alarma,” el a agrega, mencionando e atakenan contra derecho di hende muher “rond di henter mundo.”
Entre 1870 y 1975, a condena mas di 11.600 persona pa haci of busca un aborto, segun calculacionnan oficial.
E ley no ta provee compensacion pero ta stipula e creacion di un comision cu tin e tarea di colecta y comparti recuerdo di muhernan obliga di tin aborto secreto y di esnan cu a yuda nan.
Riba diahuebs, legisladornan a duna bon bini na 1 di e 343 muhernan den 1971 cu a firma un carta abierto bisando cu nan a tin aborto y pidiendo legalisacion.
Francia a decriminalisa e terminacion boluntario di un embaraso cu e ley Veil den 1975, nombra na honor di minister di salud y defensor grandi di derecho pa hende muher Simone Veil, ken a lidera legalisa aborto.
