Awor na januari e presidente di Francia, François Hollande ta bishita un luga di concentracion y desarme di guerrilla FARC, durante su proximo biahe na Colombia.
Pablo Catatumbo, ken ta un integrante di Forsa Arma Revolucionario di Colombia (FARC), a bisa cu Hollande ta bay na “La Elvira”, na departamento di Cauca, cu intencion di conoce e pacto di paz cu gobierno di Colombia a firma hunto cu FARC, pa finalisa e conflicto interno cu tabatin pa mas di mey siglo.
Den un video di agencia Nueva Colombia Noticia, Jorge Torres Victoria miho conoci como Catatumbo a bisa “Pa nos ta un honor por ricibi e presidente di Francia.” “Nos ta sigur cu e situacion di FARC ta sirbi di apoyo pa otro acuerdonan”, e dirigente di FARC a bisa, ken tabata miembro di ekipo di paz di Juan Manuel Santos, pa 4 aña na Cuba. E presidente di Francia ta bay Colombia, riba un bishita oficial desde 22 te 24 di januari venidero, segun fuente di diplomacia a informa.
