(AP) – Bayendo slow tabata un manera pa sigura punto na e Gran Prix di Monaco diadomingo, ya cu e intento hopi promovi di Formula 1 pa sacudi e careda prestigioso a trece poco drama.
Ta casi imposibel pa pasa otro riba e cayanan preta di Monaco. Pa haci e careda mas un competencia di strategia, e organo di gobernacion di F1, FIA, a rekeri dos cambio di taira cu e speransa cu pit stopnan cu tempo inteligente lo crea drama.
E ganador di aña pasa Charles Leclerc a pronostica “caos” pero en bes di esey e tabata un careda frustrante pa hopi piloto ya cu algun a core extra slow pa crea un espacio pa un compañero di ekipo dilanti pa pit sin perde posicion. Piloto di Mercedes, George Russell a argumenta cu e baymento slow a conduci na situacionnan peligroso.
Norris ta critica careda ‘fabrica’
Ganador Lando Norris tabata fuerte tocante e cambio di regla, algo cu el a mira como un intento pa crea “careda fabrica.”
Norris a pasa gran parti di e careda tras di Max Verstappen, kende a pospone su di dos stop, sperando riba un stop cu bandera cora. Esey lo a permiti un cambio di taira gratis, y kisas a duna Verstappen e victoria.
“No tabatin mas overtaking aki. Mi a pensa cu esey tabata loke tabata kier,” Norris a bisa. “Awor bo ta djis duna hende oportunidad pa suerte, door di warda riba un bandera cora, warda riba un auto di seguridad. Bo no ta haya un ganador mereci mas na final di cosnan.”
Coremento ‘peligrosamente slow’ ta frustra Russell
Piloto di Mercedes, George Russell a pasa gran parti di su careda pega tras di autonan slow. E tension a aumenta ora el a acusa Alex Albon di Williams di “core peligrosamente slow” y “bati riba e break” den un mensahe di radio cortico di Russell pa su ekipo.
Russell a surpasa Albon door di corta un chicane, agregando cu e lo prefera di “tuma e castigo” cu warda mas. E stewardnan a pronostica cu lo tin piloto cu lo por a purba esey y Russell a haya un penalty mas largo cu normal, cu a lag’e bay back tras di Albon. Russell a termina na di 11 lugar, su pio resultado e aña aki.
Williams no tabata e prome ekipo pa baha velocidad. Su pilotonan tabata reacciona riba un go-slow anterior di Racing Bulls. Liam Lawson a lanta auto y a sigura espacio pa su compañero di ekipo Isack Hadjar haci dos parada prome cu hopi otro piloto a haci un.
Na final, sinembargo, ningun di e strategianan mas inusual a haci hopi diferencia.
Lando Norris a gana e Grand Prix di Monaco, manehando e careda di comienso te fin. Charles Leclerc a sali di dos lugar cu Oscar Piastri na di tres lugar. Verstappen a keda na di cuater lugar, exactamente caminda el a cuminsa. Racing Bulls tabatin poco pa mustra pa nan esfuersonan ya cu Hadjar a cuminsa di cinco pero a termina di seis. Tur dos piloto di Williams a keda den e puntonan despues cu cada un a subi un puesto pa di nuebe y di dies, pero e ganashi ey tabata solamente pasobra e Aston Martin di Fernando Alonso a kibra.
