Fundacion Ateliers ‘89 ta invita bo persona na e tayer di pintamento

Ateliers ‘89 Fundacion ta invita bo persona na e tayer di pintamento y tecnica di dibuho cu artista internacional Gustavo Paris. Cada persona tin nan manera individual di expresa nan creatividad y nan inteligencia. Pues cu e tayer aki. E artista kier yuda pa busca cada persona su concepto contemporaneo individual. Di e manera aki ta spera di conecta ideanan creativo cu tecnicanan fundamental di trahamento di pintura y dibuho durante e tres simannan di e tayer.

Den ultimo añanan e uzo di medionan mescla den pintura a basha abou e muraya entre pintura y dibuho, cual ta creando expresionnan artistico mas profundo y lucrativo. Gustavo Paris su propio trabou ta den e mesun esfera aki, mirando cu su trabou ta habri nan mes den espacio. De hecho, nan ta similar na paisahenan cosmico, fragmento di galaxianan captura den nan existencia eterno y continuo. Den cierto di e obranan, e artista ta introduci un seccion di espacio como un background, evocando e tantisimo soñonan genera pa espacio den mente humano durante historia. Den otro e ta mustra un strepi horizontal cual ta crea un contraste di tension combina cu e pintura su strepinan dinamico. Asina e artista ta sugeri y contribui na e idea cu paisahenan “humano” no mester ta organico si no cu por crea nan, soña di nan y diseña na hasta den ambientenan extra-planetario. Gustavo Paris lo supervisa bo como participante den e tayer pa desaroya bo propio expresion por medio di ehercicio di dibuho y pintura, culminando na final cu un exhibicion. E artista ta haya cu cada creador tin e habilidad di transforma e mundo, maske ta leu of si ta cerca di su mes, pa cambia algo den algo mas significativo di loke ta aparece.

Cada creador no-figurativo kier transcende cosnan comun pa por yega na loke ta spiritual por medio di un acto impicito di fe. Algo cu ta logra transmiti algo berdaderamente genuino na un persona sensitivo y intuitivo. Den Paris su abstractionismo lyrico, nos ta mira un biahe na un paisahe interno, cual den cierto manera, ta logra conecta cu cosmos desde e consciencia interno.

Ateliers ’89 Academia di Bellas Artes Aruba ta manda un grato deseo na  tur su participantenan y e publico amante di arte en general, pa un feliz aña 2019 yen di dicha y prosperidad. Y na mes momento ta anuncia su clasico tayer nobo di pintura pa januari 2019.

Pa e gran maestro pintor di Maracaibo Venezuela, Gustavo Paris. Cuminsando Dialuna 7 di januari 2019. Pa un luna. Di Dialuna pa Diahuebs di 6.30 pa 9.30pm. Terminando den un exposicion ariba Diahuebs 31 di tayer “Acrylic and Drawing Techniques” di Gustavo Paris

 

You May Also Like

ATIA: ‘Decision den aumento salario minimo no ta mustra transparencia’

Ronald van Trigt, presidente di hunta di ATIA ta un poco asombra cu e ...

14mrt, NW, franklin kock.jpg

Franklin Kock: Ordenansa laboral 2013 ta regla oficialmente e 11 dianan di fiesta

  Ora ta trata dianan liber oficialmente pa sectornan priva y publico, esaki semper ...

camara di comercio

KVK: ‘Peligroso’ cu mas Venezolano ta uza Arubiano como frontman pa haci negoshi aki

Camara di Comercio y Industria di Aruba (KvK) ta ripara cu e negoshinan tipo ...

CPI (NW) 1.jpg

Resultadonan principal di e Indice di Prijs di Consumo pa luna di november 2016

E CPI pa luna di november 2016 ta 117.78, loke ta representa un subida ...

Brug na Amsterdam ta haya nomber di Boy Ecury

Recientemente Gemeente Amsterdam a nombra 15 brug pa es motibo cu te ainda nan ...

5P3A7268.JPG

Vehiculo desconoci a laga basha azeta cay riba caminda na Bubali

Diabierna pasa di 3 or atardi riba e caminda di Bubali pa e crusada ...