Ayera mainta Fundacion Centro Famia Piedra Plat a tene un conferencia di prensa na unda a informa pueblo di Aruba tocante nan participacion den e proyecto Appel van Oroanje e aña aki. Adriaan Berg, presidente di e fundacion a elabora mas ariba e proyecto aki y e participacion di e fundacion den esaki.

Berg a conta cu Fundacion Centro pa Famia Piedra Plat a wordo estableci for di 2010 y poco poco nan a desaroya e fundacion te caminda cu nan ta awe. El a sigui conta cu e fundacion ta uno cu ta hopi activo den e parti di educacion cu un programa despues di school, huiswerk begeleiding, pa muchanan di basis y voortgezet onderwijs.

Nan tin tambe un club Oansa pa mucha, nan ta traha cu hoben y pronto nan ta bay cuminsa cu adultonan mayor, 60+. Ademas di esaki, Berg a agrega, nan ta hopi activo tambe den e parti culutral. E fundacion ta organisa actividadnan riba e fechanan nacional.

Otro proyecto cu e fundaicon ta ofrece ta e scol di musica cu yama ‘Cas di Musica’. “Nos ta hopi activo y nos ta draai di dialuna pa diasabra,” Berg a indica.

Pa loke ta trata e fundacion su participacion den e proyecto Appel van Oranje, Berg a splica cu nan a wordo escogi pa representa Aruba den e proyecto aki. Diferente fundacion di Aruba cu a participa y di e diferente isla di reino Hulandes tambe.

El a enfatisa cu esaki ta un acitivdad hopi importante pa e fundacion. Appel van Oranje ta un premio cu ta ser otorga pa Oranje Fondas anualmente den reino Hulandes y e premio aki ta un premio cu su mahestad Reina Maxima ta otorga den luna di october.

Aunke e fundacion a wordo escogi como e unico di Aruba, di Corsow tin cinco otro fundacion cu a cualifica pa aprticipa, Boneiro tin un y for di Hualnda tin 38 fundacion ta participa.

Parti di e poceso di escoge ganador, Berg a splica, ta cu mester tin votacion. “Nos ta pidi e pueblo di Aruba p apoya nos y vota pa nos como e unico representante di Aruba den e competencia aki,” el a bisa.

El a remarca cu e voto ta hopi imortante pasobra asina e organiscion di Oranje Fonds ta evalua cuanto apoyo e fundacion tin na Aruba. “E apelacion ta pa pueblo di Aruba vota pa nos,” el a agrega.

E fundacion ganador ta ricibi un certificado, e appel di brons y 25 mil euro pa sigui cu nan labornan como fundacion.

Pa mas informacion con pa vota por by riba e pagina oficial di Facebook di e fundacion of por subi riba nan website.