Fundacion Motor Unit Aruba ta organisando nan prome walk and run ariba diadomingo 18 di februari 2024. Lo tin categoria pa mucha desde 4 te 11 aña, hoben for di 14 te cu 16 aña y adulto for di 17 aña te cu 60+. Kiermen no tin excuus pa participa. E evento ta cuminsa pa 6am en punto pa e adultonan y 7am pa mucha- y hoben nan. Distancia lo ta 6km pa adulto y pa mucha ta varia dependiente di nan edad.
E start ta patras di santana na Paradera. Tin luga solamente pa 600 participante incluyendo mucha, hoben y adulto. Por registra via www.vmurun.com y pasa paga na 1 di e 3 tiendanan di Nature’s Discount sea na Palm Beach, Seroe Blanco of Savaneta.
Inscripcion ta costa afl. 15,00 pa mucha/hoben y afl. 25,00 pa adulto. Lo tin premiacion overall den tur categoria di edad pa adulto y mucha/hoben. Na final lo tin fruta y bebida pa refresca. Fundacion VMU ta pidi tur participante pa bisti un T-shirt di cualkier careda cu nan a supervisa en e ultimo 10 aña nan. Asina kier logra formalisa un evento colorido y alabes bay bek un tiki den tempo.
Tin bon espacio pa parkeer na Club Caiquetio y na misa di Paradera. Fundacion Motor Unit Aruba ta conta cu un maximo participacion.
