(NLTimes) – Ministernan Carola Schouten (Politica di Pobresa) y Rob Jetten (Energia) a reuni cu companianan di energia riba diabierna pa preveni cu hogarnan lo keda sin electricidad y gas pa motibo cu nan no por paga esaki. Tur opcion ta riba mesa segun Jetten.
Schouten a bisa cu e Gabinete lo haci tur lo posibel pa preveni cu ta corta energia. “E personanan aki no por ser laga den friu.”
Jetten a bisa cu e tin tempo den dialogo cu e companianan di energia y cu Gabinete ta dispuesto pa yuda si nan no por independientemente preveni cu e suministro di energia lo ser corta. Segun Minister di Energia, e medidanan no mester warda.
E Ministernan ta pensando riba medidanan pa yuda e personanan mas afecta cu e prijsnan halto actual den e manera mas specifico posibel. Schouten tambe ta prestando atencion particular na e grupo cu ya caba ta den deuda.
Secretario di Estado Hans Vijlbrief ta suplente pa Jetten na Brussels den un reunion cu otro Ministernan di EU pa dialoga tocante medidanan Europeo. Jetten tin speransa cu e spaarmento di energia lo bira obligatorio pa estadonan miembro. “Esaki ta e manera mas lihe pa alivia presion riba e prijsnan di energia.”
