E Galiña di Awa (Butorides virescens) probablemente a ricibi su nomber door cu e ta haci un zonido manera un galiña. Esaki normalmente por wordo encontra den saliñanan buscando pisca chikito, cangreu, dori, insectonan, y tin ora cocolishi y otro bestianan chikito.
Segun un post di Fundacion Parken Nacional Aruba, locual ta special di dje ta cu mayoria biaha e ta uza hermentnan pa busca cuminda p.e. taki, pluma, blachi, of insecto ta wordo tira den awa pa has. Despues e ta para keto y warda pa gara su victima den un instante cu su pik manera un nabaha.
E comportacion aki di maneha herment aki ta pone e Galiña di Awa den un grupo selectivo hunto cu otro parhanan.
Presencia di ser humano den nan habitat hopi biaha lo wordo alarma cu un zonido fuerte “Keow” of algun “Kuks”.
Potret: FPNA Sieb Gutker de Geus.
