Diahuebs ganado cu a participa den XVI Cumbre rond di mundo di Premio Nobel di Paz, a lanta su bos na Bogota contra politica di migracion di presidente di Merca, Donald Trump, cu nan a cualifica di “racista”. Durante e prome dia di foro, cu ta te diadomingo proximo, ganado di premio Nobel a rechasa actuacion di Trump, cu ta purba construi un muraya na frontera cu Mexico, hunto prohibicion temporal di hende reconoci como refugiado y ciudadano di shete pais musulman.
“Loke Trump a haci ta un acto racista, cu ta contra democracia”, Tawakkul Karman, periodista y activista for di Yemen, ganado di nobel paz di 2011.
