In this Nov. 5, 2016 photo, Gen. Esmail Ghaani speaks in a meeting in Tehran, Iran. A new Iranian general has stepped out of the shadows to lead the country's expeditionary Quds Force, becoming responsible for Tehran's proxies across the Mideast as the Islamic Republic threatens the U.S. with "harsh revenge" for killing its previous head, Qassem Soleimani. (Mohammad Ali Marizad/Tasnim News Agency via AP)

Un general Irani, kende a reemplasa e lider asesina pa un atake aereo Mericano na Baghdad, a priminti cu lo tuma vengansa mientras Tehran a bandona e terminonan restando den su acuerdo nuclear cu podernan mundial di 2015, como respuesta na e asesinato.

E menasa di Esmail Ghaani ta yega mientras e consecuencianan di e asesinato di general top di Iran, Qassem Soleimani na man di Merca a aumenta diadoingo, cu parlamento Iraki pidiendo expulsion di tur tropa Mericano for di tera Iraki.

E tres desaroyonan aki por trece Iran mas cerca di construi un bom atomico, mira un atake proxy of militar lansa pa Teheran contra Merca, y permiti e grupo Estado Islamico pa prepara un comeback na Irak, haciendo Medio Oriente un luga hopi mas peligroso y instabil.

Agregando na e tension, presidente Mericano, Donald Trump a menasa di exigi biyonnan di dollar den compensacion for di Irak, of impone ‘sancion manera nan nunca a yega di mira’ si nan bay dilanti cu expulsion di tropanan Mericano.

Ghaani awo ta cabesante di e forsa Quds di e Guardia Revolucionario, un brasa expedicionario di e organisacion paramilitar cu ta responde unicamente na e Lider Supremo di Iran, Ayatollah Ali Khamanei. Como diputado di Soleimani pa largo tempo, Ghaani ta sanciona pa Merca desde 2012 pa su trabou fundando operacionnan rond mundo, incluyendo su trabou cu proxynan na Irak, Libanon y Yemen. E proxynan aki probablemente lo ta involucra den cualkier operacion contra interesnan Mericano den Medio Oriente of rond mundo.

Canciyer Aleman Angela Merkel, presidente Frances Emmanuel Macron y prome minister Britanico, Boris Johnson specificamente a urgi Iran pa ‘retira tur medida’ for di linea cu e acuerdo di 2015, cu tabatin intencion di stop Teheran di desaroya un programa di arma atomico.

Iran ta insisti cu ta keda habri pa negociacion cu partnernan Europeo riba su programa nuclear. Y no a hala atras di promesanan anterior, cu no lo busca un arma nuclear. Sinembargo, e anuncio ta representa e menasa mas cla di proliferacion nuclear haci te awo pa Iran, desde cu Trump unilateralmente a retira di e acuerdo na 2018 y a impone sancion.

Iran no a elabora riba ki nivel lo alcansa inmediatamente den su programa. Tehran ya a kibra algun di e limitenan di e acuerdo como parti di un campaña di presion stap pa stap pa haya alivio di sancion. Ya a aumenta su produccion, y a cuminsa enrikece uranium na 5% y a cuminsa enrikece na un facilidad bou tera.

Diadomingo, centenares di miles di persona a compaña e caha di morto di Soleimani den ciudadnan Irani di Ahvaz y Mashhad. Un procesion similar a tuma luga ayera na Tehran. Decenas di miles a yena e cayanan di capital Irani for di mainta. E dolientenan a desplega bandera Shiita cora, cual tradicionalmente ta simbolisa tanto e dramamento di sanger di un persona mata inhustamente, y un yamada pa vengansa.

1 COMMENT

  1. Tin un deferencia grandi entre e Musulman y e Cristian: paz: 50 hende a muri trapa durante e entiero di Soleimani: durante e entiero di Santo Papa Juan Pablo II tabatin paz y amor.

LEAVE A REPLY

Please enter your comment!
Please enter your name here