(NLTimes) – Gobierno Hulandes a ricibi 4.7 biyon euro di e fondo pa recuperacion di coronavirus pa inverti den plan economico cu ya caba ta den e acuerdo di e coalicion Rutte IV. E plannan aki tin como meta desaroya e digitacion y haci e pais mas sostenibel.
Hulanda lo ricibi placa pa inverti pero tambe mester implementa reforma pa esaki, cual ta un rekisito e sosten implementa na e insistencia di Hulanda. Por lo menos 37 porciento di fondo mester ser inverti den e meta aki y por lo menos 20 porciento den digitacion y innovacion.
Gabinete kier haci cambionan na impuesto di auto y energia, implementa reglanan pa e industria relacioan cu CO2 y implementa un impuesto di pasahero aereo. Gobierno kier inverti placa den e reduccion di emision di nitrogeno, restauracion di naturalesa y mas energia di biento na lama. Den digitacion y innovacion, e Gobierno kier enfoca mas riba e desaroyo di inteligencia artificial y tecnologia quantum, pa asina sigui amplia e digitacion di e sistema hudicial Hulandes.
Kaag a enfatisa cu e plannan aki ta solamente concepto di e ideanan di e Gabinete y kier dialoga riba esaki cu Tweede Kamer. Despues di esaki, e plannan lo bay na e Comision Europeo, cual lo dicidi di esaki ta cumpli cu e rekisitonan.
Hulanda ta e ultimo di e 27 paisnan miembro cu lo entrega nan plan segun noticiero NOS.
