(TMZ) – “Good Burger” lo bolbe back pantaya grandi cu e actornan original Kenan Thompson y Kel Mitchell y TMZ a publica un bista di e set di produccion nobo mientras grabacion ta cuminsnado.
Testigonan a conta TMZ cu e di dos edicion di e pelicula, “Good Burger 2” a cuminsa grabacion diahuebs siman pasa na North Providence alrededor di 8or di mainta y ta obvio cu e diseñadornan di e set a haci hopi esfuerso pa recrea e look di e pelicula clasico.
Aparentemente e ekipo di produccion a remodela completamente un tienda di ice cream yama Friendly’s y a converti esaki den un tienda di Good Burger. E edificio originalmente tabata pinta cora, pero tur cos a cambia 2 siman pasa ora cu produccion a duna e tienda un remodelacion despues di a notifica e negosinan alrededor di e construccion cu lo tuma luga.
Segun e fuentenan e ekipo a drenta y a bolbe pinta e tienda, a agrega decoracion riba e bentanan y mas. Te hasta nan a construi un muraya di concreto den e parking lot prome cu a decora esaki cu grafiti cu tematica di e pelicula.
Awo loke ta falta ta e trabao cu e camara y aparenteente ya caba esaki ta na caminda mirando cu nan tin henter siman ta graba cu e elenco y ekipo grabando un escena cu algun di e actornan na e muraya di grafiti cu nan a crea.
Te ainda no tin señal di Kenan ni Kel, kendenan ta interpreta e rol principal di Dexter Reed y Ed den e pelicula original cu a lansa aña 1997 y Nickelodeon su show di comedia “All That”, pero ya caba a keda sigura cu ambos lo bolbe back pa e pelicula cu lo haci su gran debut riba Paramount+.
