Home Regional Graffiti ilumina proyecta riba prototipo di muraya di Trump como protesta

Graffiti ilumina proyecta riba prototipo di muraya di Trump como protesta

415

Un grupo di artista lidera pa e fotografo y escritor Jill Holslin, radica na Tijuana, a proyecta den forma di protesta un serie di imagen cu nan a yama “graffiti luminoso” riba e prototiponan di e muraya proponi pa gobierno di Donald Trump pa marca e linea fronteriso entre Merca y Mexico.

Den palabra di e artista, nan tabata busca usa humor pa saca aire di e retorica hincha di gobierno encuanto e peligronan di e frontera y señala lo absurdo di e prototiponan di e muraya na frontera.

Artista y activista di San Diego a uni e fin di siman cu a pasa pa protesta contra e prototiponan pa e muraya nobo cu gobierno di Trump a compromete di construi.

Escena manera e trapi poni na e muraya, proyecta cu luz di teatro, ta haci ironia tocante e muraya na frontera cu nan ta considera un gastomento di placa ridiculo. Den declaracion na San Diego Union Tribune, Holslin a señala e ironia di e imagen di e trapi. “Bo por cumpra un trapi pa 50 dollar y subi riba un muraya cu a costa 500.000 dollar.”