E Duque di Sussex a bisa cu e ta haciendo “un salto den scuridad” poniendo un fin na e bida di miembro di Famia Real pero a bisa cu “realmente no tabatin otro opcion.”

Hibando palabra na un evento ayeranochi, el a bisa cu e y Meghan no ta “cana bay”. “Reino Uni ta mi cas y un lugar cu mi ta stima, esey nunca lo cambia,” el a declara.

E tabata e prome biaha cu Harry a papia desde e anuncio cu e pareha lo cede nan titulo di ‘His/Her Royal Highness’ (HRH). Mas tempran e luna aki, principe Harry y Meghan a anuncia cu nan ta “hala atras” como miembro adulto di Famia Real y cuminsa traha pa bira financieramente independiente.

Den su discurso na un evento di recauda fondo na parti central di Londres pa Sentebale, e fundacion di caridad cu el a yuda lanta cu ta yuda mucha cu ta biba cu HIV na sur di Africa, el a bisa: “Mi por solamente imagina lok eboso a tende y por ta a lesa tocante nos den ultimo simannan. Anto mi kier pa bo tende e berdad di mi, asina leu cu mi por comparti, no como un principe o un duque, sino como Harry.”

Den su discurso e principe a bisa cu semper e lo tin “ emas profundo respet pa mi abuela, mi ‘commander in chief’.” “Nos speransa tabata pa continua sirbiendo e Reina, e pais y mi asociacionnan militar, pero sin fondo publico. Desafortunadamente, esey no tabata posible,” el a bisa. Mi a acepta, sabiendo cu e no ta cambia ken mi ta o con comprometi mi ta.”

E duquesa Meghan mientras tanto ta na Canada cu su yiu, despues di bolbe Reino Uni mas tempran e luna aki. Den bon tradicion Britanico, e asunto a haya e nomber ‘Megxit’.