Gran Bretaña: Union Europeo no kier renegocia acuerdo pa Brexit

Lidernan di Union Europeo di varios pais a duna e peticion di Gran Bretaña pa renegocia e acuerdo encuanto Brexit, prepara den un proceso den un aña y mey di tempo, un coro conhunto di “No, non, nein,” ora premier Theresa May a propone cambio den e acuerdo pa e por convence su miembronan di parlamento pa vota na fabor di e acuerdo.

Na Londres, May mes mester a admiti cu e no sa exactamente con su parlamentarionan lo kier cambia e acuerdo pa atende principalmente e problema di e frontera na Irlanda, cu ta surgi na momento di un salida di Gran Bretaña di Union Europeo sin un acuerdo. Tur esaki sucediendo mientras e pais ta rumbo pa un salida na menos di dos luna, unda e fecha fiha pa salida ta 29 di maart venidero.

“Simplemente, caminda ta cabando cu nos,” ministro di asunto exterior di Irlanda, Simon Coveney a bisa. Contento cu su votacion gana den parlamento, May ta trata di yega na “cambionan legalmente imperativo” pa e acuerdo di separacion. Parlamento Britanico a vota na fabor pa manda May atrobe pa Bruselas pa negocia cu UE “areglonan alternativo” ignorando e advertencianan di UE cu no por cambia e acuerdo cu a cera cu May algun luna pasa. “Lo no renegocia e acuerdo di salida,” Jean-Claude Juncker, hefe di e brasa ehecutivo di UE, e Comision Europeo, a bisa. Juncker a bisa parlamentarionan Europeo na Bruselas tambe cu e “cauerdo ta e miho y unico areglo posible.”

Prome Ministro Leo Varadkar di Irlanda a bisa cu “nos a subi e caminda ey un biaha cabay mi no ta kere cu e areglonan alternativo ey ta existi.”

E oposicion Britanico ta centra riba e areglo pa e frontera cu ta surgi entre Irlanda y e teritorio Britanico
di Irlanda di Norte (Ulster) cu durante membresia di Gran Bretaña di UE tabatin un frontera habri. E acuerdo ta propone un union duanero cu ta tene Reino Uni pa varios aña ainda dentro di reglanan di Union Europeo.

You May Also Like

160612054737-orlando-nightclub-shooting-pulse-large-169.jpg

Curpa morto y herido bandi caminda despues di tiramento na Orlando

Mas di 50 hende a woro tira mata paden di Pulse Nightclub cual ta ...

131030102348-chris-brown-april-2013-super-169.jpg

Chris Brown kier a mata su curpa despues di a abusa di Rihanna

Despues di 10 aña cu e la abusa di e cantante Rihanna,Chris Brown finalmente ...

belgium terorist plot.jpg

Dos persona aresta na Belgica en conexion cu plan di atake terrorista pa fin di aña

Dos persona a wordo aresta como sospechoso di plania atake terorista na Belgica pa e ...

Hotels na Disney ta elimina e borchi di ‘Do Not Disturb’

Algun hotel di Disney ta eliminando e borchi di ‘Do Not Disturb’ pa e ...

Mayoria di Mericano ta apoya edicion genetico pa proteha baby

Un luna despues di e nacemento di e prome babynan cu genenan edita na ...