Prome ministro Keith Mitchell a admiti cu tin un posibilidad chikito di descubri petroleo y gas natural den awanan teritorial di Grenada, pero cu mas perforacion y confirmacion ta necesario, a pesar cu el a bisa tres dia prome cu eleccion general di 2018, cu di berdad a descubri petroleo.
Sr. Mitchell a mustra cu loke a detene e proceso pa basta tempo tabata e caso den corte cu e compania Mericano RSM Production Corporation a entabla contra gobierno di Grenada pa 1 biyon dollar pa daño y perhuicio, pa nenga di honra un acuerdo cu nan tabatin cu gobierno anterior.
Na 2012 a yega na un acuerdo den arbitrahe, y despues cu sr. Mitchell su partido NNP a gana eleccion na 2013, a bin un deal cu un compania Ruso, Global Petroleum Group (GPG), cu tabata hinca den e disputa anterior. Pasobra ta GPG a cuminsa negocia cu gobierno, mientras e compania Mericano ainda tabatin un acuerdo cu gobierno.
Sr. Mitchell a admiti cu e perspectiva di haya petroleo o gas den awanan di Grenada ta basa riba test 3D sismico nobo haci na un pos, cu speransa di explota e pos ey den futuro distante, como tambe explotacion di mas pos.
El a admiti tambe na e reunion di Commonwealth na Londres cu e tabata desea e miho momento posibel pa anuncia e posibilidad di petroleo, particularmente tres dia prome cu eleccion general, aunke e tabata dispone di e informacion caba tres siman prome.
No tin documento ni presentacion visual di e estudionan haci online riba websitenan di gobierno di Grenada, y e website di GPG no por ser detecta, y no tin mencion di propietario di e compania GPG. E trabao cu e compania tabata haci anteriormente o nan area di experticio ta parce di ta den duna asesoria riba exploracion di petroleo, no cu e ta un compania di sector di exploracion.
(fuente: CaribbeanNewsNow)
