(NLTimes)—Groningen lo crea un shelter di crisis pa buscadonan di asilo den e compleho di vivienda pa studiante The Village den e ciudad. E shelter lo habri diamars lo mester acomoda 80 pa 100 buscado di asilo for di Siria, Eirtrea, Somalia, Iran, Irak y Yemen, entre otro. E buscadonan di asilo ta spera di keda eynan pa tres luna mientras nan ta warda alocacion den un centro di asilo.
E shelter lo ser crea riba un piso bashi riba e area comun di e vivienda di studiante. e area ta ser uza tin biaha pa acomoda studiante. Esaki no ta e caso awo, pues e propietario por a haci e piso disponibel pa e recepcion di buscadonan di asilo, segun un vocero pa e municipio.
Cu e shelter aki, Groningen ta respondiendo na un yamado for di Centraal Orgaan opvang asielzoekers (COA) pa municipionan crea mas sitio di shelter temporario debi cu e centro di registracion pa asilo na Ter Apel ta demasiado yen. Entre 2,300 y 2,500 buscado di asilo ta drumiendo na e centro durante e ultimo simannan, mientras cu tin luga pa solamente 2,000. “E municipio di Groningen ta consider’e importante pa contribui na e recepcion humano di buscadonan di asilo y p’esey, ta contento pa responde na e peticion aki,” e municipio a bisa.
Stadskanaal, un otro municipio den e provincia di Groningen, tambe ta yudando Ter Apel. E lo pone tentnan cu espacio pa 200 buscado di asilo. Ta spera cu e shelter temporario aki ta cla pa uza awe. E tentnan aki lo ser eynan te na fin di januari.
