FILE - In this June 6, 2019, file photo, Democratic presidential candidate former Vice President Joe Biden speaks in Atlanta. As Democratic presidential hopefuls prepare for their first 2020 primary debate this week, 77 medical and public health groups aligned on Monday, June 24, to push for a series of consensus commitments to combat climate change _ bluntly defined by the organizations as “a health emergency.” (AP Photo/John Bazemore)

Mientras candidatonan democrata cu speransa presidencial ta prepara pa nan prome debate di 2020 e siman aki, 74 gruponan di medico y salud publico a alinea ayera pa pusha pa un serie di compromiso pa combati cambio climatico, defini pa e organisacionnan como ‘un emergencia di salud’.

E agenda nobo pa cambio climatico revela pa e grupo, incluyendo e Asociacion Medico Mericano y e Asociacion di Curason Mericano, ta yega entre discusion entre e candidatonan democrata tocante ken su plataforma ambiental ta mas progresivo. E recomendacionnan politico di e organisacionnan di salud, mientras ta leu di e maneho di presidente Donald Trump, ta representa un maneho ‘back to basics’ pa un debate interno tocante clima entre e democratanan, cual te awo tabata mara na preceptonan liberal di e Green New Deal.

“Salud, siguridad y bienestar di miyones di persona na Merca ya caba a keda daña pa cambio climatico causa pa humano, y riesgo di salud den futuro ta teribel sin accion urgente pa combati cambio climatico”, e gruponan medico y di salud publico a skirbi den nan agenda climatico, comparti cu AP.

Entre otro, e gruponan ta presionando oficialnan eligi y candidatonan presidencial pa ‘yega na y enforsa compromisonan Mericano’ bou di e acuerdo di clima di Nacionnan Uni 2015, for di cual Trump a priminti di retira. Tambe nan ta pusha pa algun regulacion pa carbon, maske sin referencia na posibel impuesto di emision, y un ‘plan y tempo pa reduccion di extraccion di combustibel fossiel na Merca’.

Ex- vice presidente, Joe Biden su plan di cambio climatico, ta coincidi ampliamente cu varios di e prioridadnan di e gruponan di salud. Mientras e gruponan ta pidi pa reduccion di uzo y transporte di gas natural y petroleo, nan no ta bay asina leu como varios di rivalnan di Biden, den duna sosten na un prohibicion completo di e tecnica di extraccion di petroleo y gas conoci como ‘fracturacion hydraulico’, of ‘fracking’, cual ta involucra injecta mesclanan di awa, santo of piedra, y kimiconan cu presion halto den un piedra.

Otro gruponan, firmando e lista di prioridadnan den politica climatico, ta inclui e Asociacion di Pulmon Mericano, E College Mericano di Medico, y varios organisacion di salud publico na nivel estatal y academico. E gruponan proponiendo e agenda no ta opera cu contexto politico, algo cu por yuda nan hala mas atencion pa cambio climatico, segun Ed Maibach, director di e Centro pa Comunicacion di Cambio Climatico na Universidad George Mason.

Segun Maibach, pa votadonan kende ta mira cambio climatico como ‘principalmente un menasa pa ambiente, manera beer polar’, papia di e problema den contexto di salud por yuda cambia nan manera di pensa.

 

LEAVE A REPLY

Please enter your comment!
Please enter your name here