FILE - A protester holds a sign outside the National Rifle Association's headquarters building during a vigil for recent victims of gun violence on Aug. 5, 2019, in Fairfax, Va. A ransomware gang believed to operate out of Russia says it hacked the National Rifle Association, a politically powerful gun-rights group. The gang, which calls itself Grief, published a handful of what appear to be NRA files related to grants the organization has awarded. (AP Photo/Patrick Semansky, File)

(AP) — Un gang di secuestro cibernetico, cual ta kere ta opera for di Rusia, a bisa cu nan a hack e Asociacion Nacional di Rifle (NRA), e grupo pro-derechonan pa arma di candela mas poderoso na Merca.

E gang, cu ta yama su mes Grief, a publica un cantidad di loke ta parce di ta documentonan di NRA riba un website den dark web. E documentonan, obteni pa Associated Press, ta relaciona na sumanan di placa cu NRA a otorga. Gruponan di secuestro cibernetico hopi biaha ta post e documentonan di un victima publicamente cu speransa di forsa nan pa paga un rescate.

Vocero di NRA, Andrew Arulanandam a bisa riba Twitter cu e NRA ‘no ta discuti asuntonan relaciona cu su seguridad fisico of electronico’ y ta tuma ‘medidanan extraordinario’ pa protege su informacion.

Un persona cu conocemento directo di e situacion, kende no tabata autorisa pa discuti e asunto publicamente y a papia den condicion anonimo, a bisa cu NRA tabatin problema cu su sistema di e-mail e siman aki – un señal potencial di un atake di secuestro cibernetico (ransomware).

Atakenan di secuestro cibernetico a aumenta drasticamente den añanan recien contra tur sorto di compania y organisacion, pero tiki biaha e victimanan ta asina sensitivo politicamente manera e NRA. E grupo pa largo a disfruta lasonan cercano cu legisladornan Republicano y ta un sostenedor mayor di candidatonan Republicano. E NRA a gasta decenas di miyones di dollar den e ultimo dos eleccion presidencial pa purba di yuda Donald Trump.

E grupo ta afecta pa problemanan legal y financiero den añanan recien, pero ta keda un forsa politico potente y tin mas di cinco miyon miembro.

Allan Liska, un analista di inteligencia na compania di seguridad cibernetico, Recorded Future, a bisa cu ta altamente inusual pa un grupo politicamente activo manera e NRA bira victima di gang di secuestro cibernetico, pero el a bisa cu no tin evidencia cu e atake tabatin motibo politico. El a bisa cu e gangnan di secuestro cibernetico usualmente no ta enfoca riba organisacionnan sino riba tecnologianan vulnerable.

“No ta probable cu esaki tabata enfoca specificamente riba NRA, sino cu NRA djis a resulta di haya un hit”, el a bisa. “Sinembargo, bo nunca sa.”

Liska a bisa cu e problemanan di e-mail por ta relaciona na e atake di ransomware. El a bsia cu sistemanan di e-mail ta obhetivonan top di gang di secuestro cibernetico pasobra hopi biaha nan ta contene informacion sensitivo y ta afecta e respuesta di un organisacion na un atake, incentivando nan mas pa paga un rescate.

Voceronan di FBI no a responde inmediatamente na un mensahe pidiendo comentario.

Cantidad di experto di seguridad cibernetico ta kere cu Grief ta vincula na Evil Corp, un grupo di secuestro cibernetico cu anteriormente tabata activo. Departamento di Tesoro Mericano a impone sancionnan riba e grupo na 2019, bisando cu a horta mas di $100 miyon for di banco y institucionnan financiero den 40 pais.

Lasonan Mericano y Ruso ya ta bao presion e aña aki pa motibo di un ola di atake di ransomware di perfil halto contra obhetivonan Mericano lansa pa gangnan cibernetico basa na Rusia.

Presidente Joe Biden a adverti presidente Ruso, Vladimir Putin den un esfuerso pa pon’e actua contra criminalnan di secuestro cibernetico, pero cantidad di oficial top di seguridad cibernetico di administracion di Biden a bisa recientemente cu nan no a mira ningun evidencia cu esaki a sucede.

LEAVE A REPLY

Please enter your comment!
Please enter your name here