E ‘oliebollen cu champagne ride’ tradicional di e team di ciclista Dikke Buiken Club a haya un bon acogida diaranson. E grupo tabata hopi grandi e aña aki cu siguramente un 40 hende riba bais. Prome cu nan por a gosa, mester a trapa duro si, coriendo algo cu mas cu 30km den mondi. Pa despues yega e final na e mina di oro na Balashi unda a come, bebe y tira klapchi pa asina bisa bonbini caba na e aña nobo.
