Despues di un parada cu bon ambiente na Jouvert Morning cu a caba diasabra mainta, diasabra anochi Aruba a gosa atrobe di un di e paradanan mas faborito durante e temporada di Carnaval: Lighting Parade na Oranjestad.
E parada a mira participacion di varios grupo, di ken nan miembronan a baila y canta cu alegre, completa cu nan disfraz colorido y briyante!
E parada a cuminsa alrededor di 8or di anochi na Aruba Entertainment Center Dakota, despues a sigui pa Vondellaan, L.G. Smith Boulevard y caba na Turbo Rotonde Boulevard.
E secuencia di grupo tabata lo siguiente:
- TOB Carnival Group
- Dushi Carnival Group
- Champagne Carnival Group
- Empire Carnival Group
- Los Laga Bai
- HEPA DMC society
- Colours Carnival Group
- Royal Carnival Group
Carnavalistanan sigur a disfruta di un anochi ameno cu famia!
