Guyana: Empresa petrolero Frances Total ta haya dos licencia pa exploracion den lama

E empresa petrolero Frances Total a firma acuerdo pa adkiri participacion den dos licencia di exploracion dilanti costa di Guyana, den Bloke Canje y den e Bloke Kanuku.

E acuerdonan aki ta bin despues di cera un opcion di acuerdo pa e Bloke Orinduik. Suheto na aprobacion di autoridadnan concerni, Total lo tin e derechonan di exploracion den un area di mas di 12.000 kilometro cuadra den e cuenca maritimo di Guyana.

Total ta hopi satisfecho cu e entrada importante aki den e cuenca di Guyan”, Arnaud Breuillac, presidente di Exploracion y Produccion di Total a bisa, segun un nota di prensa publica den Business Wire.

Total ta adkiri un participacion den explotacion di 35% den e Bloke Canje, ubica na profundidad di entre 1.700 y 3.000 metro, segun e terminonan di e acuerdo firma cu un filial di e empresa Canades JHI Associates, Inc. y e empresa cu sede na Guyana, Mid-Atlantic Oil & Gas, Inc. E dos companianan aki lo keda cu un participacion comparti di 30% hunto cu e operador ExxonMobil (35%).

Total ta adkiri un participacion di 25% den e Bloke Kanuku, ubica na profundidad di 70 pa 100 metro, segun e terminonan di e acuerdo firma cu e operador Repsol (37.5%), y lo ta socio hunto cu Tullow (37.5%).

Total tin un opcion pa cumpra un participacion di explotacion di 25% den e Bloke Orinduik, ubica na profundidad di awa di 70 pa 100 metro, segun e acuerdo firma na september 2017 cu un filial di e empresa Canades Eco Atlantic Oil & Gas Ltd, cu ta keda cu 15% di interes despues di e efectua e opcion, hunto cu e operador Tullow (60%).

Tocante Total
Total ta un empresa Frances integra, productor y proveedor global di energia, y ta conta cu 98.000 empleado den operacion den mas di 130 pais na henter mundo.

You May Also Like

Nochi di sanger na Sao Paulo: Banda criminal a mata nuebe persona

Por lo menos nuebe persona a muri den dos episodio cu a tuma lugar ...

Mexico: Periodista asesina dilanti di su yiu na su scol

(UnivisionNoticias) – Un periodista Mexicano, Gumaro Pérez, a wordo asesina diamars ultimo mientras e ...

Colombia: autoridadnan hudicial ta inicia investigacion den caso di naufragio Guatapé

COLOMBIA (ElTiempo).- Procuraduria General di Nacion a inicia un investigacion preliminar den e caso ...

Haiti: Disturbionan ta continua; gobierno lo ataca corupcion

Manifestantenan di oposicion a bolbe riba caya pa protesta na Port-au-Prince, capital di Haiti, ...

Rio de Janeiro ta pidi asistencia di ehercito pa carnaval

E alcalde di Rio de Janeiro, Marcelo Crivella, y e presidente di Riotur, Marcelo ...

Peticion na conseho di siguridad pa embargo di arma y municion

Un delegacion di Venezolano, presidi pa Antonio Rivero, general retira di Ehercito, a solicita ...