ExxonMobil ta wardando aprobacion di gobierno di Guyana pa inicia un programa di perforacion di 31 pos exploratorio den tres bloke.

“Como parti di e proceso di obtencion di permiso, nos a presenta solicitud na Agencia di Proteccion Ambiental di Guyana pa un programa di boramento di exploracion di varios pos den e blokenan Stabroek, Kaieteur y Canje dilanti costa di Guyana,” ExxonMobil a  informa agencia Argus .

E compania tin planea pa cuminsa produccion proximamente den campo Liza den bloke Stabroek den awa hundo, cuminsando cu 120.000 bari pa dia (bpd), y aumentando te 750.000 bpd na 2025.

E boramento di e posnan den e tres blokenan no lo afecta significativamente medio ambiente y e proyecto lo ta exento di un evaluacion di impacto ambiental, pero e compania ainda mester presenta un plan ambiental, asina e agencia di proteccion ambiental di Guyana a bisa.

ExxonMobil a anuncia recientemente un di 14 descubrimento den Stabroek, aumentando e reservanan recuperable total calcula na mas di 6.000 miyon bari equivalente di petroleo (bep).

E compania tin planea pa bora 25 pos di exploracion den e bloke Stabroek, tres den Kaieteur y otro tres den e bloke Canje. Diferente cu bloke Stabroek, ni Kaieteur ni Canje ta den e teritorio di Essequibo den disputa cu Venezuela, cu ta reclama soberania di e teritorio pa mas di un siglo caba. Essequibo ta cubri e dos tercionan mas occidental di Guyana.

ExxonMobil ta opera den e 13.500 km2 di Kaieteur cu un participacion di 35%. Nan socionan minoritario ta Ratio Energy di Israel y e compania Mericano Hess. Kaieteur ta situa na banda nort di Stabroek, y tin un profundidad di awa di 2.800 te 3.800 metro.

ExxonMobil tambe tin un participacion di 35% den e 6.021km2 di bloke Canje, na parti oriental di Stabroek. Nan socionan ta e compania Frances Total,  Canadian Junior JHI Associates y e firma local Mid-Atlantic Oil and Gas.

LEAVE A REPLY

Please enter your comment!
Please enter your name here