Nos a skirbi cu inflacion lo ta bay ta un problema grandi den e añanan binidero. Un manera grandi pa yuda den esaki ta pa baha gasto. Awo uso di coriente pa haci un espacio comodo den e calor di Aruba ta un gasto hopi grandi pa ambos nivel individual y pa nivel di nos sociedad.

Den hopi columna nos a papia di aumenta suministro di coriente door di un mobilisacion masivo di instalacion di panel solar na Aruba. Den e columna aki nos lo toca e tema di otro banda, esta pa baha demanda di coriente.

Na Aruba mayoria demanda pa coriente ta un cuestion di tene edificio na un temperatura confortabel via friamento. Den e contexto aki, un par di luna pasa a sali dos articulo academico, esta Jipeng Fei et al. 2025 den Science y Hoy Jung Jo et al. 2025 den ASC Energy Letters. E reportahenan aki ta papia di e verf anti-solar di mas avansa y di uso di smart-windows pa baha consumo di coriente radicalmente.

Usando un modelo di AI (Claude 4.0 Opus), mi a purba calcula si ambos di e tecnologia di mas avansa aki ser ehecuta na mesun momento, cuanto e lo por spaar den uso di coriente den contexto di Aruba su clima.

Segun mi modelo usando ambos paper, e uso di e dos conceptonan aki na mesun momento lo por baha consumo di coriente pa un cas averahe (200m2) na Aruba entre 45 pa 65%. E inversion den haci esaki pa un cas di 200m2 lo literalmente paga su mes back den 5 luna, esta un ROI di 140% pa aña.

Dus riba un plaso mas largo strategico nos lo por conclui cu si tin ambos e combinacion di aumenta suministro di energia door di e mobilisacion grandi di instala panel solar full rond di Aruba y e combinacion di tecnica pasivo di friamento elabora den e articulo aki, mi persona a modela cu e LCOE prijs di coriente na Aruba.

Usando un penetracion di 70% panel solar na un LCOE di 6,- US cen per kWh, combina cu un reduccion den uso di coriente danki na friamento pasivo cual lo reduci consumo total di electricidad di Aruba cu mas o menos 22%, tumando si na cuenta tur e inversionnan grandi cu mester tuma luga na Aruba su grid y battery storage, lo resulta den un prijs di coriente 24% mas barata compara cu e prijs di coriente actual.

Riba un plaso mas strategico un abundancia di coriente barata ta na caminda. Ban pensa e ora ki tur nos por haci den e scenario aki di “Energy Abundance.”