(AP) – Lewis Hamilton a urgi companianan di rednan social pa dedica mas esfuerso na combati e plamamento di abuso online despues cu un colega den Formula One, Nicholas Latifi, a ricibi menasanan di morto despues cu e temporada a caba na Abu Dhabi Grand Prix.
Latifi a choca su auto despues di algun ronda ora cu Hamilton tabata yegando mas cerca na su di 8 titulo. E incidente a causa cu Latifi mester a core den un auto di siguridad y Max Verstappen por a logra pasa e campeon anterior Hamilton durante e ultimo ronda, ganando e titulo den medio di hopi controversia.
Aunke e no tabatin e culpa, Latifi a ser critica hopi online unda cu rabia a keda aumenta na con Hamilton a perde su titulo diripente.
“Na final di dia, mi no ta kere cu tin un cambio grandi, ni suficiente trabao di parti di e plataformanan social. Te ainda nos tin cu aplica presion pa nan por haci e cambionan aki,” Hamilton a bisa diabierna despues di a revela Mercedes su auto di aña 2022. “Salud Mental ta algo real y pa medio di e plataformanan social aki hopi hende ta sufriendo di abuso.”
E coredo Britanico a continua bisando, “niun hende no ta merece e tipo di trato aki, y e no mester ser tolera.” Rednan social por cambia e cosnan aki, y haci e cambionan aki, pero nan no ta haci nada contra di esaki. Pa e motibo aki mi ta kere nos mester sigui aplica presion.”
Latifi tabata asina afecta cu e mester a contrata escolta durante un biahe na London cu su pareha.
