(AP) – Hapon su Prins Hisahito ta e prome homber Real cu a yega un edad adulto den 40 aña. Varios persona na Hapon tin preocupacion cu e por ta e ultimo.
E ritualnan elabora di e palacio pa formalmente reconoce Hisahito como un adulto riba diasabra tabata un recuerdo di e bista precario pa e monarkia mas bieu na mundo. Hopi di esaki ta a causa di su politica cu solamente hende homber ta eligible pa sucesion y e cantidad di hende homber ta bahando.
Hisahito ta di dos den linea pa Chrysanthemum Throne y ta hopi probable di bira emperador den futuro. Despues di Hisahito, sinembargo, no tin niun hende cu ta keda, lagando e famia aki cu un dilema si mester descarta un decision di siglo 19 cu a aboli e sucesion di hende muhe.
Hisahito ta nobo den universidad y ta stima insecto
Un studiante nobo na Tsukuba University cerca di Tokyo, Hisahito ta studia biologia y ta gusta hunga badminton. E ta specialmente dedica na ‘dragonflies’ y a skirbi un verslag academico tocante un encuesta di e insectonan riba tereno di su estado Akasaka na Tokyo.
Den su conferencia di prensa debut na maart, e prins a bisa cu e ta spera di por enfoca su estudio riba ‘dragonflies’ y otro insectonan, incluyendo manera cu por controla poblacion di insecto den areanan urbano.
Hisahito a nace dia 6 di september 2006 y ta e unico yiu homber di Prins Akishino, e heredero di e trono, y su casa, Prinses Kiko. E tin 2 ruman muhe grandi, e prinses popular Prinses Kako y ex Prinses Mako, ken su matrimonio na un persona cu no ta real a rekeri pa e bandona su status como real.
