(AP) – Harvey Weinstein a declara cu e ta inocente den corte riba diaranson na Los Angeles pa cu 4 acusacion di violacion y 6 otro cargo di asalto sexual.

Autoridadnan a trece Harvey Weinstein den corte riba un rolstoel. E tabata bisti cu e uniform di prizon y un tapaboca. Su abogado Mark Werksman a entrega e suplica di e director di pelicula cu a cay for di gracia e dia despues cu Weinstein a ser extradita pa California for di New York, unda cu e tabata sirbiendo su sentencia di 23 aña.

Weinstein a papia solamente na e momento unda cu e Hues Sergio Tapa a desea su persona bon suerte ora cu e audicion a caba, contestando e Hues “Danki.”

Aworaki Weinstein ta wardando un di dos audiencia, y e posibilidad di un otro sentencia largo.

Weinstein su caso ta inclui acusacion di 5 hende muhe, cu incidentenan cu a tuma luga desde 2004 te cu aña 2013. Mayoria di esakinan ta alega di a tuma luga den hotelnan na Beverly Hills y na Los Angeles, cual ta lugarnan cu Weinstein di New York a haci su punto di haci negoshi na Hollywood. Algun di e incidentenan aki a tuma luga den e siman di e premionan Oscar, ora cu su peliculanan tabata nominacionnan premira di gana prome cu e movemento di #MeToo a caba su cu carera.

Weinstein a declara su mes inocente pa 4 cargo di violacion, 4 cargo di acto di forsa sexo oral, 2 cargo di agresion sexual pa medio di restriccion, y 1 cargo di penetracion sexual cu uso di forsa, cargonan cu tur hunto por yega un sentencia di 140 aña.

Werksman a conta e hues cu e tabata procesando documentonan pidiendo pa haci 3 di e cargonan nulo, pa motibo cu nan ta fuera di e statuto di limitacion.

“Nan ta acusacionnan sin base, y di hopi tempo pasa, sin ningun coraboracion.” Werksman a comenta tocante e cargonan despues di e audiencia. “Nos tin confiansa cu si nos tin un huicio husto, Weinstein su inocencia lo ser comproba.

E terminonan di Weinstein su extradicion ta rekeri cu e huicio cuminsa den November. Werksman a conta cu Weinsten te ainda tin di renuncia na e derecho aki. Aunke lo ta inusual pa e huicio cuminsa asina lihe. Weinstein ta bolbe corte pa un otro audiencia otro siman.

E hende muhenan aki no a ser identifica den e acusacion.

E hurado na New York a declara Weinstein culpabel di viola un actris cu tabata cuminsando su carera den un camber na un hotel na Manhattan y di a tene relacion sexual oral forsa cu un assistent di produccion den aña 2006 na su apartamento den Manhattan.

Weinstein ta apelando e conviccion aki, pidiendo un huicio nobo. Tambe su persona ta mantene su postura di inocencia, y ta nenga tur acusacion declarando cu tur acto sexual tabatin consentimento.

Acusadornan na Los Angeles a pone e prome cargo riba Weinsten den januari na aña 2020, na e momento cu e proceso di scoge e hurado pa e caso di New York a cuminsa.

Den transcurso di aña mas cargo a ser agrega, y den maart el a ser acusa pa un hurado di Los Angeles County. E pandemia y retrasonan den procedura a nifica cu Weinsten su extradicion a tarda mas cu un aña. Su abogadonan a cita su salud cual tabata deteriorando como e motibo pa mantene su persona den e prizon unda cu e tabata ta na Buffalo, New York te ora cu e seleccion di hurado pa e huicio di Los Angeles cuminsa.