Hende ta uza cas bandona pa tira sushi

9Mei, JO, Cas Bandona2 (1).JPG

Na altura di Dump na Barcadera, tin un cas cu ta completamente bandona pa basta tempo y hende ta uzando esaki manera un dump pa tira tur sorto di articulo riba e tereno aki.

Sin laga afo e cantidad di hende na Aruba cu tin mester di cas cu ta pidi pa tereno anualmente, na cada skina di e isla actualmente bo por topa cu sikiera 1 cas cu ta bandona pa un temporada hopi largo na unda hasta choller ta cuminsa biba den dje. Locual ta hopi lamentabel ta cu e casnan aki no ta solamente bandona, pero nan ta den un estado asina descuida cu hopi hende ta cuminsa uza nan manera un sitio pa dump tur diferente sorto di sushi.

No ta conoci di ken e tereno aki ta y kico ta bay haci cu esaki, pero locual si ta conoci ta cu bo no por para bo auto eybanda ni un rato prome cu e yena completamente cu musca. Riba e tereno aki por mira tur sorto di sushi benta for di materialnan bieu te cu bestia morto.  E tipo di cosnan aki no ta solamente causa daño na e medio ambiente di Aruba, pero tambe e ta causa hopi daño na e imagen di Aruba ora cu bo mira esaki den casi tur districto di e isla specialmente den wowonan di turista. Habitante den cercania ta suplica pa por fabor ser mas consciente y stop di haci e tipo di cosnan aki, yuda unda cu por en bes di bay punta dede na otronan cu ”no ta haciendo nan trabao drechi”.

You May Also Like

Actividadnan politico durante ultimo fin di siman prome cu eleccion

‘Carnaval den september’ Partido POR y AVP tabata tin nan parada di auto, MEP ...

image.jpeg

Comunidad mes a paga pa dianan di parkeer gratis na december

Awendia casi nada no ta por nada mas, por mira aki un carta unda Aruparking ta ...

Gobernador di Guajira lo realisa bishita di trabou na Aruba

Entrante otro siman, Gobernador di Guajira (Colombia) Wielder Guerra lo ta realisando un bishita ...