Hoben di 22 aña cu problema mental a wordo asesina

Dialuna marduga 2:13 melding ta drenta via Central di polis cu na altura di Noord 98 a scucha tiro. Na yegada di patruya nan ta haya un persona ariba caminda dilanti e cas y lo no tabata duna señal di bida, tambe e persona tabata tin dos perforacion di bala. Mes ora nan ta constata y ta avisa cu tabata trata di e conocido Dyron Franken un hoben di 22 aña cu problema mental.

Tur autoridadnan concerni a wordo poni na altura y ta presenta na e sitio. E area caminda e hoben aki a wordo asesina ta mustra algo bon hinka den otro, esta un area keto y scur cu sero chance cu un hende por a wak algo. Pues ta mustra claramente cu “nan” lo por a convence pa e bay eytras y asina likide. Pero esey investigacion di parti polis tin di bay determina,  kiko exactamente a pasa.

Dyron tabata hopi den noticia ultimamente, aunke su problema tin un rabo hopi largo. Varios biaha e hoben aki cu problema mental tabata wordo deteni pa polis, paso e lo a comete algo no bon. Di eynan e ta wordo hiba Paaz, caminda e ta haya un medicamento cu tabata traha pa algun dia, y manera cu e efecto pasa Dyron tabata haye bek ta haci cosnan negativo.

Segun Polis hopi nan papia of miho bisa a avisa e instancia nan concerni ariba e problema serio cu Dyron tin, pero nada tabata wordo haci di nan banda. Pa 2:45 di marduga Dokter Mungra ta constata morto di Dyron.M.Franken di 22aña.