26Charla.jpg

Den combersacion cu Conrector di Examenklas di Colegio Arubano, Anne Cameron, Sra. Cameron ta splica Bon Dia Aruba cu ta importante pa pone enfasis riba e cosnan positivo pasando na Colegio mesun hopi cu ta concentra riba e puntonan negativo. Den cuadro cu esaki, Bon Dia a papia cu un studiante cu actualmente ta preparando pa haci un charla di motivacion e siman aki pa yuda hobennan aspira y logra nan metanan cu exito.

E charla aki lo ta un charla di motivacion combina cu informacion cu tin hopi balor pa e studiante cu kier studia afo den tur su aspecto. ”Como scol nos ta apoya esaki pasobra nos ta haya hopi importante pa nos candidato di examen perde e miedo di bay afo y ta bon cu nan ta bay haya un sorto di discurso di motivacion asina pa haya splicacion tocante financiamento y tur otro rekisitonan di studia afo” , Sra. Cameron ta bisa. Bon Dia Aruba a puntra Sra. Cameron si fuera di e Examenklas, si tin algun motivacion pa otro studiantenan pa aspira na yega asina leu y si esaki tin resultado pa locual Sra. Cameron ta contesta cu  ”Claro ,nos tin manera un ”Hall of Fame” aki na Colegio caminda hopi biaha alumnonan ta bin wak esakinan y nan ta mira tur e muchanan cu a score mas miho den e vaknan ey. Actualmente VWO ta para 69% pa slaag awo y HAVO ta para 66% y claro nos ta spera cu e lo subi ainda pero tur cos ta depende di examen.

E iniciativa aki pa locual ta e charla segun Sra. Cameron ta hopi bon pa motibo cu nan ta motiva pa pensa positivo y tin mas confiansa den nan mes manera studiante. Henter e aña aki segun Sra. Cameron tabata tin diferente charla di motivacion pa examenklas kende Sra. Monica Kock tabata esun cu a asisti cu esaki na Cas Di Cultura cual tambe a yuda hopi. Actualmente ta finalisando henter un luna di practica pa examen. Na luna di april tabata tin dos siman di Workshops, un siman di ProefExamen y esaki ta e ultimo siman di reflexie – week despues di tur examen cu a wordo traha. 

Organisado di e seminario aki, Ben Maduro, ta conta Bon Dia Aruba cu ta bay tin diferente persona na palabra kende ta bay papia riba diferente topiconan entre otro kico ta e obstaculonan manera studiante.
E seminario ta completamente gratis y por registra na ben.maduro@gmail.com. E seminario lo ta for di 2pm te cu 5pm na Hyatt Hotel dia 30 di april.

LEAVE A REPLY

Please enter your comment!
Please enter your name here